هــــه‌واڵ عــیراق
"ئه‌بو به‌كر به‌غدادى" شكه‌ست داعش له‌ عراق و سوريا پاكانه‌ ئه‌كا

"ئه‌بو به‌كر به‌غدادى" شكه‌ست داعش له‌ عراق و سوريا پاكانه‌ ئه‌كا


شه‌فه‌ق نيوز/ نامه‌يليگ له‌ ئه‌بو به‌كرد به‌غدادى سه‌ركرده‌ى ريكخرياگ داعش ه‌را سه‌ركرده‌يل لايه‌نگرى له‌ ليبيا، ئه‌وه‌ ده‌رخست ك هه‌وڵ قه‌ره‌بووكردن زه‌ره‌ده‌يلى ئه‌ياد له‌ عراق و سوريا، ئه‌ويش وه‌ ده‌ركردن رينمايى ئه‌را وه‌كارهاوردن باشوور ليبيا ئه‌را ئه‌وانه‌گ واينه‌ له‌ مه‌شرق له‌وه‌ر وه‌ئامانجگرتن مسر و تونس و جه‌زاير.

 

له‌ى باوه‌ته‌و، به‌ڵگه‌يليگ نهێنى ك له‌لايه‌ن رووژنامه‌ى شه‌رقولئه‌وسه‌ت ئاشكراى كريا، ئه‌وه‌ ده‌ركه‌فت ك له‌ باره‌گاريه‌يل داعش له‌ ناوچه‌يل جياجيا له‌ ليبيا بڕيگ نامه‌يش له‌ به‌غداديه‌و ئه‌را 13 سه‌ركرده‌ى گه‌ورا له‌ ده‌سميه‌تده‌ره‌يلى له‌ ليبيا له‌تيان بويه‌و تاريخ بريگ له‌ليان ئه‌چێده‌و ئه‌را كووتايى ساڵ گوزه‌يشت و تازه‌ترين نامه‌يشى له‌ ماوه‌ى چه‌ن هه‌فته‌يگه‌ نويسياگه‌و مقه‌يه‌تى له‌ليان كرياگه‌ له‌لاى برێگ له‌لايه‌ن ليبى.

 

جى باسه‌، به‌غدادى له‌ يه‌كيگ له‌و نامه‌يله‌ پاكانه‌ى واين ريكخرياگ ترۆريستى داعش ده‌رخستگه‌ له‌ عراق و سوريا وه‌ ئه‌وه‌گ جه‌نگيگ بويه‌ ئاڵشتكاريه‌يل جه‌هانى فه‌رزى كردنه‌و داوايش له‌ ده‌سميه‌تده‌ره‌يلى كردگه‌ قه‌ره‌بوو ئه‌و واينه‌يله‌ بكه‌ن له‌ڕى چگن وه‌ره‌و باشوور ليبيا و گرده‌وبوين له‌ورا وه‌ئه‌وه‌گ مه‌يدان ئاينده‌ ليبيا بدێ و له‌وراوه‌ ئه‌را مسر و تونس و جه‌زاير.