هــــه‌واڵ عــیراق
گه‌شته‌ هه‌رێميه‌گه‌ێ عبادى وه‌ره‌و سعوديه‌ ده‌س وه‌پيكرد

گه‌شته‌ هه‌رێميه‌گه‌ێ عبادى وه‌ره‌و سعوديه‌ ده‌س وه‌پيكرد


شه‌فه‌ق نيوز/ حه‌يده‌ر عبادى سه‌رۆك ئه‌نجومه‌ن وه‌زيره‌يل له‌ به‌غداێ پاته‌خت عراقه‌و وه‌ سه‌رۆكايه‌تى شانديگ وزارى گه‌فته‌ڕى ئه‌را ده‌سوه‌پيكردن گه‌شتيگ هه‌رێمى ك هه‌ر يه‌ك له‌ سعوديه‌ و ئيران و كوه‌يت ئه‌گرێده‌و له‌بان داوه‌ت فه‌رمى ك زويتر ئاراسته‌ێ كرياگه‌.

 

نويسينگه‌ێ ره‌سانن عبادى له‌ به‌ياننامه‌يگ وت: ئى گه‌شته‌ له‌ساێ ئه‌و سه‌ركه‌فتنه‌يل گه‌وراسه‌ ك عراق ئه‌نجاميان دا له‌بان چه‌ته‌يل ترۆريستى داعش و نزيكه‌وبوين له‌ ئعلان واين ئه‌و ريكخرياگ ترۆريستيه‌.

 

جى باسه‌، به‌ياننامه‌گه‌ هه‌ميش وت: ئى گه‌شته‌ له‌ ئاكام رينمايه‌يل حكومه‌ت عراقى و سياسه‌ته‌ خارجيه‌گه‌ێ ئه‌را زاڵكردن به‌رژوه‌ندێ باڵاێ وڵاته‌گه‌و هه‌وڵداين ئه‌را درسوكردن خاسترين په‌يوه‌نديه‌يليگ وه‌ل گشت ده‌وڵه‌ته‌يل هاوسا له‌ گشت بواريگ.