هــــه‌واڵ عــیراق
فه‌تواده‌ر سنيه‌يل ره‌خنه‌ له‌ عه‌بادى گرت و وه‌رگرى له‌ ئيران كرد

فه‌تواده‌ر سنيه‌يل ره‌خنه‌ له‌ عه‌بادى گرت و وه‌رگرى له‌ ئيران كرد


شه‌فه‌ق نيوز/ مهدى سمێدعى فه‌تواده‌ر ئه‌هل سنى و جه‌ماعه‌ت له‌ عراق، ره‌خنه‌ له‌ بڕيار حكومه‌ت ناوه‌ندى گرت وه‌ پابه‌ندبوين وه‌ سزايه‌يل ئابوورى ك وڵاته‌يل يه‌كگرتگ ئه‌مريكا چه‌سپانه‌سه‌ى له‌بان ئيران.

 

سمێدعى وت: شێخ ئه‌لئسلام بن تيميه‌ وتگه‌: ئه‌گه‌ر يه‌هوود و نه‌ساريه‌يل هاتن ئه‌را جه‌نگ موسڵمانه‌يل له‌ ئيران، هه‌زاران كه‌س له‌ خه‌ڵك شام ده‌رئه‌چن ئه‌را وه‌رگريكردن له‌ خايه‌ى خه‌ڵك موسڵمان و منيش يه‌كه‌ميانم، هه‌ميش وت: قه‌بوڵ ناكه‌يم عراق راێ ئه‌را ئه‌زيه‌تداين ملله‌ته‌يل ناوچه‌گه‌ داشتوود.

 

جى باسه‌، عه‌بادى له‌ كۆنگره‌ى هه‌فتانه‌ى خوه‌ى وت: له‌ڕوێ باوه‌ڕه‌و ئيمه‌ دژ سزايه‌يليم له‌ ناوچه‌گه‌، چوينكه‌ گه‌مارۆ و سزايه‌يله‌ ويران كۆمه‌ڵگايه‌يل ئه‌كاو هويچ وه‌ رژيمه‌يل ناكاو باسيش له‌وه‌ كرد ك عراق وه‌ل ئه‌و سازيه‌يله‌ نييه‌، وه‌لێ پايه‌ند ئه‌دێ وه‌پيه‌و له‌وه‌ر مقه‌يه‌تيكردن به‌رژه‌وه‌نديه‌يلێ.