هــــه‌واڵ كــوردى
ئه‌مريكاو بريتانياو ئه‌ڵمانيا پرووژه‌يگ 35 خاڵى ئه‌را دامه‌زرانن هيزيگ تازه‌ێ پێشمه‌رگه‌ پيشكه‌ش كردن

ئه‌مريكاو بريتانياو ئه‌ڵمانيا پرووژه‌يگ 35 خاڵى ئه‌را دامه‌زرانن هيزيگ تازه‌ێ پێشمه‌رگه‌ پيشكه‌ش كردن


شه‌فه‌ق نيوز/ نه‌يچێروان بازانى سه‌رۆك وه‌زيره‌يل هه‌رێم كوردستان وه‌ل بڕيگ له‌ تايبه‌تمه‌نده‌يل سه‌ر وه‌ وزاره‌ته‌يل وه‌رگرى ده‌وڵه‌ته‌يل ئه‌مريكا و بريتانيا و ئه‌ڵمانيا دانيشتنيگ ساز كرد له‌ چوارچيوه‌ى ئه‌و خاسسازيه‌يله‌ ك حكومه‌ت هه‌رێم له‌ كه‌رته‌يل جياجياێ خه‌ريك جيوه‌جيكردنيه‌.

 

حكومه‌ت هه‌رێم له‌ به‌ياننامه‌يگ وت: ئه‌و تيم تايبه‌تمه‌ند و راوێژكاره‌يل ناوده‌وڵه‌تيه‌ پيشنياريگ وه‌ 35 خاڵه‌و پيشكه‌ش كردنه‌ وه‌ ئامانج دامه‌زرانن هيزيگ سه‌ربازى پيشه‌يى ئه‌را هيزه‌يل پێشمه‌رگه‌ له‌ ئاينده‌.

 

جى باسه‌، قوباد تاڵه‌بانى جيگر سه‌رۆك وه‌زيره‌يل هه‌رێم و وه‌زير پێشمه‌رگه‌و شماره‌يگيش له‌ وه‌رپرسه‌يل حكومى له‌ وزاره‌ت پێشمه‌رگه‌يش ئاماده‌ى ئه‌و دانيشتنه‌ بوين.