هــــه‌واڵ عــیراق
كارمه‌نديگ له‌ به‌غدا 14 مليار دينار دزيه‌و 10 ساڵ حوكم زيندانى دريا

كارمه‌نديگ له‌ به‌غدا 14 مليار دينار دزيه‌و 10 ساڵ حوكم زيندانى دريا


شه‌فه‌ق نيوز/ دادگاێ تاوانه‌يل تايبه‌ت وه‌ كاره‌يل ده‌سپاكى حوكم 10 ساڵ زيندانى له‌بان كارمه‌نديگ له‌ ده‌زگاى تۆماركردن عه‌قارى له‌ مه‌دائن ده‌ركرد له‌وه‌ر ساخته‌كردن به‌ڵگه‌يل عقارێ ك جوور زه‌مانات ئه‌را قه‌رز دارايى وه‌ بڕ 14 مليار دينار هاوريانه‌سه‌ كار.

 

حه‌سه‌ن حمود عگێلى وشكاننكار گشتى وزاره‌ت داد له‌ به‌ياننامه‌يگ وت: كارمه‌نديگ وه‌ناو (ا . ح) له‌ ساڵ 2015 ئمزاێ سه‌نه‌ده‌يل مه‌يدانى عقارات كردگه‌ له‌ چوارچيوه‌ێ مه‌رز كاره‌يل وه‌ڕيه‌وبه‌رايه‌تى تۆمار عه‌قارى له‌ مه‌دائن و ده‌ركه‌فتگه‌ ك ئه‌و عه‌قاره‌يله‌ ساخته‌ن له‌ روێ مه‌ساحه‌ و جوور و موخالفه‌يل تر له‌ مامڵه‌كردن و له‌ئاكام ئه‌وه‌يش قه‌رز وه‌ بڕ 14 مليار دينار له‌ بانك ره‌شيد ئه‌راێ خه‌رج كرياگه‌.

 

جى باسه‌، به‌ياننامه‌گه‌ يه‌يش ده‌رخست ك تومه‌تباره‌گه‌ وه‌ ريككه‌فتن و به‌شدارێ وه‌ل تومه‌تباره‌يل تر فه‌ن و فيڵ له‌بان بانك ره‌شيد كردنه‌ له‌ڕى ساخته‌كارى به‌ڵگه‌يل عه‌قارێ و ئه‌و بڕه‌ پويله‌ دزينه‌و ئيشه‌يش دادگا له‌وه‌ر ئسپات تومه‌ته‌گه‌ێ 10 ساڵ زيندانى ئه‌راێ ده‌ركردگه‌ وه‌ل ده‌سوه‌سه‌ركردن ماڵ و موڵكه‌يلێ.