هــــه‌واڵ كــوردى
يه‌كه‌مين گام كرده‌وه‌يى نريا ئه‌را ئه‌نجامداين راپرسێ له‌ كه‌ركوك

يه‌كه‌مين گام كرده‌وه‌يى نريا ئه‌را ئه‌نجامداين راپرسێ له‌ كه‌ركوك


شه‌فه‌ق نيوز/ كومسيۆن باڵاێ سه‌روه‌خوه‌ى هه‌ڵوژاردنه‌يل و راپرسێ، نويسينگه‌يگ واز كرد ئه‌را ده‌سوه‌پيكردن چالاكيه‌يل وه‌خاتر راپرسێ سه‌روه‌خوه‌يى هه‌رێم كوردستان له‌ عراق ك بڕياره‌ كورده‌يل له‌ ئه‌يلوول ئى مانگه‌ ئه‌نجامێ بيه‌ن.

 

عه‌لى شوانى وه‌ڕيه‌وبه‌ر نويسينگه‌گه‌ وت: ئمڕوو ئى نويسينگه‌ واز كرياگه‌و ده‌س ئه‌كاده‌ ئه‌نجامداين چالاكيه‌يلێ وه‌خاتر به‌شدارێ كارايگ مه‌ردم كه‌ركوك له‌ راپرسێ سه‌روه‌خوه‌يى.

 

جى باسه‌، شوانى هه‌ميش وت: 43 ناوه‌ند ده‌نگداين له‌ چوارچيوه‌ێ پاريزگاێ كه‌ركوك وجوود ديرێد و 33 له‌ليان ها ناو شاره‌گه‌و كارمه‌نده‌يل ئه‌رايان ديارێ كرياگه‌و ناويانيش به‌رزه‌و كرياگه‌ ئه‌را كومسيۆن هه‌ڵوژاردنه‌يل.