هــــه‌واڵ عــیراق
لايه‌نيگ عراقى له‌وه‌ر ره‌ته‌وكردن ده‌سوه‌رداين ئيرانى داواى خوه‌ينيشانداين ئه‌كا

 لايه‌نيگ عراقى له‌وه‌ر ره‌ته‌وكردن ده‌سوه‌رداين ئيرانى داواى خوه‌ينيشانداين ئه‌كا


شه‌فه‌ق نيوز/ ره‌وت مه‌ده‌نى عراقى داواى خوه‌ينيشانداين گه‌ورا ئه‌كا له‌ به‌غدا، ئه‌ويش ئه‌را وسيان له‌ڕوێ زاڵبوين ئيرانى له‌بان گشت شيوازه‌يل ژيان له‌ وڵاته‌گه‌.

 

ئى داواكاريه‌ له‌وه‌ جموجويل مه‌ردم ئه‌كريه‌ێد له‌وه‌ر ره‌ته‌وكردن ئه‌و هه‌وڵه‌يله‌ ك ئيران ئه‌ياده‌ێ ئه‌را ده‌سگرتن له‌بان گشت شيوازه‌يل ژيان له‌ عراق و ده‌سوه‌رداين له‌ فه‌رزكردن كه‌سايه‌تيه‌يل ديارى كرياێ له‌ناو حكومه‌ت.

 

جى باسه‌، زويتريش ئئتلاف نه‌سر جه‌خت له‌وه‌ كرد ك قاسم سلێمانى سه‌ركرده‌ى فه‌يله‌ق قودس رووژ سێشه‌ممه‌ى گوزه‌يشت سه‌ردان به‌غدا كردگه‌ ئه‌را ئه‌وه‌گ فشار بخاده‌ بان عادل عه‌بدولمه‌هدى سه‌رۆك وه‌زيريل له‌وه‌ر دامه‌زرانن فالح فه‌ياز سه‌رۆك وه‌رين ده‌سه‌ى حه‌شد شه‌عبى وه‌ وه‌زير ناوخوه‌يى.