هــــه‌واڵ كــوردى
بارزانى: راپرسێ هه‌وه‌جه‌ وه‌ سڵاێ كه‌س ناكاو توركيا دژ ماف ملله‌ت كورد نيه‌

بارزانى: راپرسێ هه‌وه‌جه‌ وه‌ سڵاێ كه‌س ناكاو توركيا دژ ماف ملله‌ت كورد نيه‌


شه‌فه‌ق نيوز/ مه‌سعود بارزانى سه‌رۆك هه‌رێم كوردستان، وت: توركيا دژ باوه‌ڕ مافه‌يل ملله‌ت كوردستانى نيه‌ له‌ ئه‌نجامداين راپرسێ ماف بڕيار چاره‌نويس ئه‌را سه‌روه‌خوه‌يى هه‌رێم له‌ عراق و جه‌ختيش له‌وه‌ كرد ك ئه‌نجامداين راپرسێ هه‌وه‌جه‌ وه‌ سڵاێ كه‌س ناكا.

 

بارزانى له‌ جواو پرسياريگ ك رووژنامه‌ێ "ئه‌لئه‌هرام" مسرێ ئاراسته‌ێ كرد له‌ باره‌ێ هه‌ڵويست توركيا له‌ راپرسێ وت: ئه‌و لێدوانه‌يله‌ ك بڵاو كريان له‌ هووكاره‌يل ره‌سانن جوور يه‌ك نيين، وه‌لێ دوياخريش توركيا دژ باوه‌ڕ ماف ملله‌ت كورد نيه‌، وه‌لێ جوور ئه‌وه‌گ ئاشكراس توركيا ئه‌نداميگه‌ له‌ نه‌ته‌وه‌يل يه‌كگرتگ و باوه‌ڕ ئى ريكخرياگيشه‌ ئه‌وه‌سه‌ حورمه‌ت سه‌روه‌رى و يه‌كێتى خاكه‌يل باقى ئه‌ندامه‌يل بگرێد.

 

جى باسه‌، بارزانى باس له‌وه‌يش كرد و وت: په‌يوه‌ندێ ناونى كوردستان و توركياێ هاوسا فريه‌ خاسه‌و هه‌ردوگلامان په‌يوه‌نديه‌يل بازرگانى و ئابوورێ بته‌ويگيش ديريم و توركه‌يليش خاس زانن ئه‌هميه‌ت هه‌رێم كوردستان چه‌نيگه‌ له‌لايان.