هــــه‌واڵ عــیراق
خارجيه‌ى نوێنه‌رايه‌تى باس هه‌وڵ زووره‌ملى كله‌وكردن عراقيه‌يل كرد له‌ ئۆرپا

خارجيه‌ى نوێنه‌رايه‌تى باس هه‌وڵ زووره‌ملى كله‌وكردن عراقيه‌يل كرد له‌ ئۆرپا


شه‌فه‌ق نيوز/ عه‌بدولبارى زێبارى سه‌رۆك ليژنه‌ى په‌يوه‌نديه‌يل خارجى له‌ ئه‌نجومه‌ن نوێنه‌ره‌يل، داوا له‌ حكومه‌ت ناوه‌ندى كرد هويچ گفتگوويگ قه‌بول نه‌كا ك امانج له‌لى ئه‌وه‌ بدێ يه‌كێتى ئۆرپا هه‌وڵ ده‌ركردن ئه‌و عراقيه‌يله‌ بيه‌ێد ك داواى ماف په‌نابه‌رێتى كردنه‌و داواگه‌يان ره‌ته‌و كرياگه‌.

 

زێبارى باس له‌وه‌ كرد ك ليژنه‌گه‌ كار له‌بان واكردن گفتگوو ئه‌ياد وه‌ل په‌رله‌مان ئۆرپى ئه‌را كاراكردن رۆڵى له‌ى روێه‌و وه‌ل وسانن هه‌ر رى وشوونه‌يليگ زووره‌ملى وه‌رانوه‌ر عراقيه‌يل له‌ وڵاته‌يليان تا وه‌ختيگ چاره‌سه‌ريگ به‌ديل ئه‌راێ دوينريه‌ێده‌و.

 

جى باسه‌، زێبارى هه‌ميش وت: ئيمه‌ وه‌گووره‌ى وه‌رپرسيارێتى نيشتمانى و ئه‌خلاقى و ئنسانيه‌و داوا له‌ حكومه‌ت عراقى ئه‌كه‌يم هويچ گفتگووييگ له‌باره‌ى كله‌وكردن زووره‌ملى يا نيمچه‌ زووره‌ملى عراقيه‌يل قه‌بول نه‌كا له‌ هه‌ر شوونيگ و ليژنه‌ىپه‌يوه‌نديه‌يل خارجى قاپى گفتگوو وه‌ل په‌رله‌مان ئۆرپى واز ئه‌كا ئه‌را كاركردن رۆليان و وسانن ئى گامه‌.