هــــه‌واڵ كــوردى
به‌ڕاك دگان وه‌ ئازايه‌تى "كورديگ فه‌يلى" ناگه‌و مه‌لا به‌ختيار باسى كرد

به‌ڕاك دگان وه‌ ئازايه‌تى "كورديگ فه‌يلى" ناگه‌و مه‌لا به‌ختيار باسى كرد


شه‌فه‌ق نيوز/ مه‌لا به‌ختيار سه‌ركرده‌ له‌ يه‌كێتى نيشتمانى كوردستان ئازايه‌تيه‌يل مولازم پێشمه‌رگه‌ فازڵ جوامير سايه‌مير مه‌نده‌لاوى له‌ مه‌سه‌له‌ى وه‌رگريكردن له‌ كيشه‌ى كورد وه‌ نموونه‌ترين ئازايه‌تى و پاڵه‌وانێتى له‌ نه‌ته‌وه‌يل كورد وه‌گشتى تاريف كرد.

 

مه‌لا به‌ختيار له‌ وته‌يگى له‌وه‌خت ئاهه‌نگ ساڵياد شێركۆ بێكه‌س له‌ سلێمانى وت: شه‌هيد مولازم جوامير نموونه‌ترين كه‌سيگه‌ له‌ ئازايه‌تى و پاڵه‌وانێتى له‌لاى نه‌ته‌وه‌ى كورد وه‌گشتى و هه‌ر وه‌و خاتريشه‌ دوينيم شاعر كووچكردگمان شعريگ وه‌پيا وتگه‌.

 

جى باسه‌، مه‌لا به‌ختيار هه‌ميش وت: له‌وه‌خت دانيشتن ساڵه‌يل هه‌فتاى سه‌ده‌ى وه‌رين ئه‌نجامى دايم وه‌ل ده‌زگاى هه‌واڵگرى، له‌ فازڵ به‌ڕاك سه‌رۆك ده‌زگاى هه‌واڵگرى ئه‌و وه‌خته‌ شه‌خسى له‌ زووان خوه‌يه‌و ژنه‌فتم وه‌ ئه‌وه‌گ مێژوو ئاسايش و هه‌واڵگرى عراقى كه‌سيگ تر نه‌يه‌ جوور‌ مولازم فازڵ جوامير.