هــــه‌واڵ عــیراق
به‌ره‌ى تازه‌يگ دژ داعش له‌ موسڵ واز كريا

به‌ره‌ى تازه‌يگ دژ داعش له‌ موسڵ واز كريا


شه‌فه‌ق نيوز/ هيزه‌يل عراقى له‌ باكوور خوه‌رئاواى موسڵه‌و ده‌سكردنه‌ ئه‌نجامداين په‌لاماريگ ئه‌را بان ريكخرياگ ترۆريستى داعش، يه‌يش له‌ كرده‌وه‌يگ سه‌ربازى ك ماوه‌يگ ئاماده‌گى و پلان ئه‌ڕاى دانرياس.

 

له‌ى باوه‌ته‌و، سه‌رچه‌وه‌يگ ئاسايشى وت: هيزه‌يل ئاسايشى به‌ره‌ى تازه‌يگ سه‌ربازى له‌ ديم خوه‌رئاواى موسڵ واز كردنه‌ له‌ ناوچه‌ى مشێرفه‌ له‌ باكوور شار موسڵ.

 

جى باسه‌، سه‌رچه‌وه‌گه‌ يه‌يش ده‌رخست ك چه‌كداره‌يل داعش راسه‌وخۆ كه‌فتنه‌سه‌ وه‌ر ئه‌و په‌لامار تازه‌ى هيزه‌يل ئاسايشيه‌، ك يه‌يش هانده‌ره‌ ئه‌را ئه‌وه‌گ زويتر ئه‌و ناوچه‌يله‌ ئازاد بكريه‌ن ك هانه‌ ژير ده‌سڵات ئه‌و ريكخرياگ ترۆريستيه‌.