هــــه‌واڵ كــوردى
پێشمه‌رگه‌ له‌ خورماتوو شكه‌ست وه‌ په‌لاماريگ داعش هاورد

پێشمه‌رگه‌ له‌ خورماتوو شكه‌ست وه‌ په‌لاماريگ داعش هاورد


شه‌فه‌ق نيوز/ هيزه‌يل پێشمه‌رگه‌ تويه‌نستن روى وه‌ڕوى په‌لاماريگ تازه‌ێ چه‌كداره‌يل ريكخرياگ ترۆريستى داعش بوونه‌و ئه‌را بان كه‌رته‌يليان له‌ خورماتوو له‌ باشوور كه‌ركوك.

 

له‌ى باوه‌ته‌و، ئه‌فسه‌ريگ له‌ پێشمه‌رگه‌ ئه‌را(شه‌فه‌ق نيوز)وت: ريكخرياگ داعش په‌لامار گه‌ورايگ له‌ فيشتر له‌ محوه‌ريگه‌و وه‌ ده‌يان چه‌كدار له‌ ناوچه‌ێ زه‌رگه‌ له‌ خورماتوو ئه‌نجام داگه‌و جه‌نگ سه‌ختيگ به‌رپا بويه‌ ئه‌را چه‌ن سه‌عاتيگ و دوياخريش وه‌ كوشتن شماره‌يگ له‌ په‌لامارده‌ره‌يل ئه‌و ريكخرياگه‌ كووتايى هاتگه‌.

 

جى باسه‌، ئه‌فسه‌ره‌گه‌ هه‌ميش وت: پێشمه‌رگه‌يگ له‌و جه‌نگه‌ شه‌هيد بويه‌و دووانيش زه‌خمدار بوينه‌.