هــــه‌واڵ عــیراق
تلفزيۆن عراقيه‌ هه‌واڵه‌يل وه‌ كوردى بڵاو كرد

تلفزيۆن عراقيه‌ هه‌واڵه‌يل وه‌ كوردى بڵاو كرد


شه‌فه‌ق نيوز/ كه‌ناڵ ته‌له‌فزيۆنى ئه‌لعراقيه‌ى سه‌ر وه‌ حكومه‌ت ئه‌را يه‌كه‌مجاره‌ له‌ مێژووى هه‌واڵه‌يلى وه‌ زووان كوردى بڵاو كرد، ئه‌ويش له‌ گاميگ دوياى هه‌فته‌يگ له‌ راپرسێ ك هه‌رێم كوردستان ئه‌نجامى داو حكومه‌ت له‌ به‌غدا ره‌تيه‌و كرد.

 

ئه‌و دريژه‌ هه‌واڵه‌يله‌ وه‌ زووان كوردى له‌ سه‌عات هه‌فت ئيواره‌ وه‌ وه‌خت ناوچه‌يى ده‌س وه‌پيكرد و نزيكه‌ى ده‌ ده‌قه‌ت كيشا و باس له‌ بارودوخه‌يل ناوچه‌يى و ناوده‌وڵه‌تى له‌تى كرد.

 

له‌ى باوه‌تيشه‌و، كه‌ريم حومادى وه‌ڕيه‌وبه‌ر كه‌ناڵه‌گه‌ وت: ئه‌يه‌ يه‌كه‌مجاره‌ هه‌واڵ وه‌ زووان كوردى له‌بان كه‌ناڵ ئه‌لعراقيه‌و ئيزگه‌ى ئه‌لعراقيه‌ بڵاو ئه‌كه‌يم.