هــــه‌واڵ عــیراق
نويسينگه‌ى عه‌بدولمهدى له‌باره‌ى بڕياره‌يل تايبه‌ت وه‌ دامه‌زرانن حكومه‌ت ئاشكراكردنيگ دا

نويسينگه‌ى عه‌بدولمهدى له‌باره‌ى بڕياره‌يل تايبه‌ت وه‌ دامه‌زرانن حكومه‌ت ئاشكراكردنيگ دا


شه‌فه‌ق نيوز/ نويسينگه‌ى عادل عه‌بدولمهدى سه‌رۆك وه‌زيره‌يل راسپارياێ، وه‌ تونى ئه‌و هه‌واڵه‌يله‌ خسته‌ دروو ك له‌لايه‌ن ماڵپه‌ڕه‌يل هه‌واڵ و لاپه‌ڕه‌يل په‌يوه‌ندى كۆمه‌ڵايه‌تيه‌و باس كريان له‌باره‌ى دامه‌زرانن حكومه‌ت تازه‌ى ناوه‌ندێ.

 

نويسينگه‌گه‌ له‌ به‌ياننامه‌يگ ئه‌را شه‌فه‌ق نيوز وت: بڕيگ له‌ ماڵپه‌ڕ و لاپه‌ڕه‌يل په‌يوه‌ندى كۆمه‌ڵايه‌تى لێدوانه‌يليگ خستنه‌سه‌ روێ وه‌ناو سه‌رۆك ئه‌نجومه‌ن وه‌زيره‌يل راسپارياێ ك دويرن له‌ڕاسى.

 

به‌ياننامه‌گه‌ هه‌ميش وت: ئه‌و لێدوانه‌يله‌ ك له‌و سه‌رچه‌وه‌يله‌و باس كريانه‌ يا بڕياره‌يليگ ك گوايا له‌ سه‌رۆك وه‌زيره‌يل راسپارياێ ئه‌را دامه‌زرانن حكومه‌ت ده‌رچيه‌ له‌باره‌ى دامه‌زرانن حكومه‌ت تازه‌ى ناوه‌ندى گشتى درووه‌و هويچ چشتيگ له‌ى باوه‌ته‌و ده‌رنه‌چيه‌و هه‌ر وه‌و خاتريشه‌ داواى ئه‌وه‌ ئه‌كريه‌ێد پشت وه‌ هه‌واڵه‌يل فه‌رمى بووه‌سريه‌ێد ك له‌ خود عادل عه‌بدولمهدى يا نويسينگه‌ ره‌ساننه‌گه‌يه‌و ده‌رئه‌چێد.