هــــه‌واڵ عــیراق
سه‌رچه‌وه‌يگ: عه‌بدولمه‌هدى له‌ دولاوه‌ جموجويل ئه‌را نواگيرى له‌ ياسايگ ئه‌كا

سه‌رچه‌وه‌يگ: عه‌بدولمه‌هدى له‌ دولاوه‌ جموجويل ئه‌را نواگيرى له‌ ياسايگ ئه‌كا


شه‌فه‌ق نيوز/ وه‌رپرسيگ ئاگادار سياسى، باس له‌وه‌ كرد عادل عه‌بدولمه‌هدى سه‌رۆك وه‌زيره‌يل ده‌سكرده‌سه‌ جموجويل ئه‌را نواگيرى له‌ ده‌نگداين له‌بان ياساى هه‌ڵوه‌شاننه‌وه‌ى نويسينگه‌ى وشكاننكاره‌يل.

 

له‌ى باوه‌ته‌و، ئه‌لعه‌ره‌بى ئه‌لجديد له‌ زووان ئه‌و سه‌رچه‌وه‌ وت: ئه‌نجومه‌ن باڵاى دژه‌ گه‌نده‌ڵى وه‌ سه‌رۆكايه‌تى عه‌بدولمه‌هدى له‌ دولاوه‌ ده‌سكرده‌سه‌ جموجويل ئه‌را نواگيرى له‌باره‌ى ده‌نگداين له‌بان هه‌ڵوه‌شاننه‌وه‌ه‌ى نويسينگه‌ى وشكاننكاره‌يل، له‌ڕێ هه‌وڵه‌يلى ئه‌را فشارخستن له‌بان ده‌سه‌ى سه‌رۆكايه‌تى په‌رله‌مان و په‌يوه‌ندى وه‌ل ده‌سڵاته‌يل دادوه‌رى له‌و باوه‌ته‌و، ئه‌را دژايه‌تى هه‌ر ياسايگ له‌وجووره‌ ك په‌رله‌مان له‌بانى ده‌نگ بيه‌ێد.

 

جى باسه‌، ئه‌و وه‌رپرسه‌ ك نه‌تواسگه‌ ناوى ئاشكرا بدێ، وتگه‌: عه‌بدولمه‌هدى مكوڕه‌ له‌بان جيوه‌جێ نه‌كرن ئى ياسا، وه‌تايبه‌ت ك ئه‌نجومه‌ن باڵاى دژه‌ گه‌نده‌ڵى ده‌س كرده‌سه‌ مه‌زه‌نه‌كردن كار نويسينگه‌يل وشكاننكاره‌يل و بايه‌سه‌ وه‌ فه‌رمى ته‌واويان بكا ئه‌را ئه‌وه‌گ بڕيار له‌باره‌يانه‌و بدريه‌ێد.