هــــه‌واڵ كــوردى
په‌لاماره‌گه‌ێ داعش ئه‌را بان فه‌وج كاكه‌يه‌يل 11 كه‌س كوشت و زه‌خمدار كرد

په‌لاماره‌گه‌ێ داعش ئه‌را بان فه‌وج كاكه‌يه‌يل 11 كه‌س كوشت و زه‌خمدار كرد


شه‌فه‌ق نيوز/ ئه‌فسه‌ريگ له‌ هيزه‌يل پێشمه‌رگه‌ ئاشكراێ ئه‌وه‌ كرد و وت: ئه‌و په‌لاماره‌ ك ريكخرياگ ترۆريستى داعش ئه‌نجامى دا ئه‌را بان سه‌نگه‌ره‌يل پێشمه‌رگه‌ له‌ باشوور پاريزگاێ كه‌ركوك 3 كه‌س له‌ جه‌نگاوه‌ر هيزه‌يل كوشتگه‌و 8 كه‌سيش زه‌خمدار كردگه‌.

 

ئه‌و ئه‌فسه‌ره‌ ئه‌را(شه‌فه‌ق نيوز)وت: گشت ئه‌و كوشياگه‌يل و زه‌خمداره‌يله‌ سه‌ر وه‌ فه‌وج كاكه‌يه‌يلن و ئاماژه‌ وه‌يه‌يش كرد ك هيزه‌يل فه‌وجه‌گه‌ تويه‌نستنه‌ ئه‌و په‌لامار سه‌خته‌ بشكنن و زه‌ره‌د فريه‌يگ بڕه‌سننه‌ چه‌كداره‌يل داعش.

 

جى باسه‌، چه‌كداره‌يل تونڕه‌و داعش دويه‌شه‌و ديره‌ وه‌ختيگ ئه‌و په‌لاماره‌ له‌ دو محوه‌ره‌و ئه‌را بان فه‌وج كاكه‌يه‌يل ئه‌نجام دان له‌ مه‌رزه‌يل ئاوايى ته‌ل محه‌مه‌د له‌ باشوور داقوق و ئه‌را چه‌ن سه‌عاتيگ ئه‌و جه‌نگه‌يله‌ دريژه‌ داشت.