هــــه‌واڵ كــوردى
له‌ روێداگيگ له خوه‌رهه‌ڵات كوردستان 13كه‌س گيان له‌ده‌سدان

له‌ روێداگيگ له خوه‌رهه‌ڵات كوردستان 13كه‌س گيان له‌ده‌سدان


شه‌فه‌ق نيوز/ له‌ رويداگيگ وه‌يه‌كاكيشان پاسيگ نه‌فه‌رهه‌ڵگر و ته‌نكه‌ريگ نه‌فتهه‌ڵگر له‌ نزيك ويستگه‌ى پاسه‌يل له‌ سه‌نه‌ندج ناوه‌ند پاريزگاى كوردستان خوه‌رهه‌ڵات كوردستان ئاگر گه‌ورايگ كه‌فته‌وه‌و له‌ئاكاميشى 13 كه‌س گيان له‌ده‌سدان.

 

له‌ى باوه‌ته‌و، ئاژانس ميهر وت: ئه‌و روێداگه‌ له‌ 12ى دويه‌شه‌و بويه‌ له‌ نزيك ويستگه‌ى پاسه‌يل له‌ سه‌نه‌ندج ناوه‌ند پاريزگاى كوردستان خوه‌رهه‌ڵات ئيران و له‌ئاكامى ئاگريگ كه‌فته‌سه‌وه‌و 13 كه‌س له‌تى گيان له‌ده‌سدانه‌و شماره‌يگ زه‌خمدار بوينه‌.

 

له‌ى باوه‌تيشه‌و، وه‌رپرسيگ له‌ ريكخرياگ ئاگركوشنه‌وه‌ له‌ سه‌نه‌ندج وت: ته‌رم ئه‌و 13 كه‌س له‌دواى ئه‌و روێداگه‌ جيواز كريانه‌و زه‌خمداره‌يليش بريانه‌ وه‌ره‌و نه‌خوه‌شخانه‌ ئه‌را چاره‌سه‌ر.