هــــه‌واڵ عــیراق
حزبيگ عراقى ره‌خنه‌ له‌ كه‌ناڵيگ ئه‌مريكى گرت

حزبيگ عراقى ره‌خنه‌ له‌ كه‌ناڵيگ ئه‌مريكى گرت


شه‌فه‌ق نيوز/ حزب كۆنگره‌ى نيشتمانى عراقى، ره‌خنه‌ له‌ كه‌ناڵ ئه‌لحوڕه‌ - عراق گرت ك له‌لايه‌ن حكومه‌ت وڵاته‌يل يه‌كگرتگ ئه‌مريكيه‌و ته‌مويل ئه‌كريه‌ێد، ئه‌ويش وه‌ بوونه‌ى دويربوينى له‌ "پێوه‌ره‌يل پيشه‌يى" له‌ رويماڵكردن رويداگه‌يل له‌ وڵاته‌گه‌.

 

له‌ى باوه‌ته‌و، نويسينگه‌ى ره‌سانن حزبه‌گه‌ له‌ به‌ياننامه‌يگ ك شه‌فه‌ق نيوز ئاگادارى بوێ وت: كه‌ناڵه‌گه‌ پشت وه‌ شيوازيگ ئه‌وه‌سێد ك راسيه‌يل ئه‌خاده‌ كنار و دوير ئه‌گرێد له‌ پێوه‌ره‌يل رويماڵكردن ميديايى باوه‌تى و پيشه‌يى له‌ڕێ بڵاوكردنه‌وه‌ى راپۆرته‌يل دوينرياێ و پشت وه‌ بڕيگ مسته‌ڵح و تاريفه‌يليگ ئه‌وه‌سێد ك خراوه‌كارێ ئاشكرايگه‌ ده‌رهه‌ق رووشنهويرى ملله‌ت عراقى و كه‌سايه‌تيه‌يل نيشتمانى.

 

به‌ياننامه‌گه‌ هه‌ميش وت: ئيمه‌ له‌ وه‌ختيگ ك ئدانه‌ى ئى سياسه‌ته‌يل مه‌رامداره‌ ئه‌كه‌يم له‌لايه‌ن ئه‌و كه‌ناڵه‌وه‌، داوايش له‌ لايه‌نه‌يل وه‌رپرس ئه‌كه‌يم و له‌وانه‌يش ده‌سه‌ى ره‌سانن و په‌يوه‌نديه‌يل رێ وشوون مه‌رزداريگ بگرنه‌ وه‌ر وه‌رانوه‌ر هه‌ر ده‌زگاو لايه‌نه‌يليگ ك ره‌سانن ئه‌كه‌نه‌ هووكاريگ ئه‌را وه‌ڕيخستن سياسه‌ت ته‌مويلكاره‌يليان له‌ناوخود عراق، ك يه‌يش كاردنه‌وه‌ى مه‌ترسيداريگ ديرێد.