هــــه‌واڵ كــوردى
وه‌جبه‌يگ زێره‌ڤانى مه‌شقه‌يليان له‌ هه‌رێم كوردستان ته‌واو كردن

وه‌جبه‌يگ زێره‌ڤانى مه‌شقه‌يليان له‌ هه‌رێم كوردستان ته‌واو كردن


شه‌فه‌ق نيوز/ وه‌جبه‌ى تازه‌يگ له‌ هيزه‌يل زێره‌ڤانى سه‌ر وه‌ وه‌زاره‌ت پێشمه‌رگه‌ له‌ هه‌رێم كوردستان كوتايى وه‌ مه‌شقه‌يل ئه‌منييان هات له‌لاى هاوپه‌يمان ناوده‌وڵه‌تى دژ ريكخرياگ تيرۆريستى داعش وه‌ سه‌رۆكايه‌تى وڵاته‌يل يه‌كگرتگ ئه‌مريكى له‌ خوليگ ك ئه‌را ماوه‌ى يه‌ك مانگ و نيم له‌ هه‌ولێر دريژه‌ داشت.

 

له‌و مه‌شقه‌ 65 كه‌س به‌شدار بوين ك تايبه‌ت بوى وه‌ دامه‌زرانن بازگه‌يل ئه‌منى و گردين و وشكانن و مقه‌يه‌تى كه‌سايه‌يتيه‌يل له‌بان ده‌س تيميگ تايبه‌ت ئيتاڵى له‌ چوارچێوه‌ى هاوپه‌يمان ناوده‌وڵه‌تى.

 

جى باسه‌، دوياى ئه‌وه‌گ داعش له‌ ناوڕاس 2014 نزيكه‌ى سێكوتى عراق داگير كرد، ئه‌مريكا هاوپه‌يمانييگ دامه‌زران له‌ چه‌ن ده‌وڵه‌تيگ ئه‌را ده‌سميه‌ت هيزه‌يل عراقى له‌ بوار سه‌ربازى و هيزه‌يل پێشمه‌رگه‌ له‌وه‌ر راوناينن ئه‌و ريكخرياگ تونڕه‌وه‌.