هــــه‌واڵ كــوردى
شاند هه‌رێم كوردستان دانيشتنيگ وه‌ل وزاره‌ت وه‌رگرى كوه‌يتى ساز كرد

شاند هه‌رێم كوردستان دانيشتنيگ وه‌ل وزاره‌ت وه‌رگرى كوه‌يتى ساز كرد


شه‌فه‌ق نيوز/ ناسر سه‌باح ئه‌لئه‌حمه‌د ئه‌لسه‌باح جيگر يه‌كه‌م سه‌رۆك ئه‌نجومه‌ن وه‌زيره‌يل و وه‌زير وه‌رگرى كوه‌يتى، له‌ ديداريگ وه‌ل ده‌رباز كۆسره‌ت ره‌سول وه‌زير ئاوه‌دانى و نيشته‌جيكردن و عه‌لى سندى وه‌زير نه‌خشه‌كيشان له‌ حكومه‌ت هه‌رێم كوردستان له‌ كۆمار عراق و شانده‌ ياوه‌ره‌گه‌يان باس له‌ بواره‌يل هاوكارێ هاوبه‌ش كردن.

 

له‌ى باوه‌ته‌و، وه‌ڕيه‌وبه‌رايه‌تى رينمايى مه‌عنه‌وى و په‌يوه‌نديه‌يل گشتى له‌ وزاره‌ت وه‌رگرى له‌ به‌ياننامه‌يگ رووژنامه‌گه‌رێ وت: له‌ ديدار ناونى هه‌ردوگلا باس گرينگترين باوه‌ته‌يل گرينگدار هاوبه‌ش و ريه‌يل بته‌وكردن و په‌ره‌وه‌پيداينى له‌ناونى هه‌ردوگ وڵات كرياگه‌.

 

جى باسه‌، به‌ياننامه‌گه‌ جه‌خت له‌وه‌يش كرد ك ئى ده‌سپيشخه‌ريه‌ وه‌ رينمايى ئه‌نجام ئه‌گرێد و نيشانه‌ى قويلايى په‌يوه‌نديه‌يل بته‌و ناونى هه‌ردوگ وڵاته‌و ئوميد ئه‌وه‌يش خواست ئى كۆنگره‌ ده‌سوه‌پيكردنيگ بدێ ئه‌را هاتنه‌وه‌ى ئاسايش و سه‌قامگيرى عراق و سه‌ڵامه‌تى ملله‌ته‌گه‌ێ.