هــــه‌واڵ كــوردى
ئێزيدى و كريستيانه‌يل كوردستان پشتگيرى راپرسى ئه‌كه‌ن

ئێزيدى و كريستيانه‌يل كوردستان پشتگيرى راپرسى ئه‌كه‌ن


شه‌فه‌ق نيوز/ هه‌ر يه‌ك له‌ پيكهاته‌يل كورد ئێزيدى و كريستيانه‌يل هه‌رێم كوردستان پشتگيرى خوه‌يان ئه‌را ئه‌نجامداين راپرسى ئسپات ئه‌كه‌ن و هه‌ر وه‌و خاتريشه‌ رووژ ٢٥ ئەیلول ئمساڵیش وه‌ رووژ بڕيارداين له‌بان ئاينده‌ێ خوه‌يان تاريف ئه‌كه‌ن.

 

له‌ى باوه‌ته‌و، شێخ شامۆ نوێنه‌ر پيكهاته‌ى كورده‌يل ئێزيدى له‌ په‌رله‌مان كوردستان وت: راپرسى رووژ بڕيارداينه‌ له‌بان چاره‌نويس خوه‌مان و رووژ نواگيريه‌ له‌ ده‌خاڵه‌ت ده‌ره‌كيه‌يل ناوچه‌گه‌و هه‌ر وه‌و خاتريشه‌ ئيمه‌يش جوور هه‌ر پيكهاته‌يگ تر هه‌رێم كوردستان ده‌نگ له‌ راپرسى ده‌نگ وه‌ به‌ڵێ ئه‌يه‌يم.

 

جى باسه‌، وه‌ هه‌مان شيوه‌ واحيده‌ ياقۆ نوێنه‌ر كريستيانه‌يل له‌ په‌رله‌مان كوردستان وت: پيكهاته‌ى كريستيانه‌يل وه‌ كلدان و ئاشووريه‌يله‌و ده‌نگ ئه‌يه‌نه‌ سه‌رخستن پرووسه‌ى راپرسى، چوينكه‌ له‌لاى گشت كه‌سيگ ئاشكراس ك راپرسى چاره‌نويس ئيمه‌ ديارى ئه‌كاو مافيگ ره‌واى ملله‌ت كوردستانه‌ وه‌ گشت پيكهاته‌يليه‌و.