هــــه‌واڵ عــیراق
نوجێفى پشتگيرى ولايه‌ت دويه‌م ئه‌را عبادى ئه‌كا وه‌بى ميليشيايه‌يل

نوجێفى پشتگيرى ولايه‌ت دويه‌م ئه‌را عبادى ئه‌كا وه‌بى ميليشيايه‌يل


شه‌فه‌ق نيوز/ گه‌وراترين سياسى سنى له‌ عراق باس له‌وه‌ كرد ك لايه‌نگرى حه‌يده‌ر عبادى سه‌رۆك وه‌زيره‌يل ئه‌كا له‌بان ماوه‌ى تازه‌ ك ئه‌گه‌ر مه‌رجه‌يليگ هه‌ن بتويه‌نێد جيوه‌جييان بكا و له‌وانه‌يش فه‌سيله‌يل چه‌كدار شيعه‌ بخاده‌ ژير ده‌سڵات ده‌وڵه‌ت و هاوسه‌نگى بكا له‌ په‌يوه‌نديه‌يل خارجى.

 

نوجێفى له‌ ديمانه‌يگ وه‌ل روێته‌رز له‌ جواو پرسياريگ له‌بان مه‌سه‌له‌ێ پشتگيرى له‌ عبادى، وت: ئى مه‌سه‌له‌ فريه‌ وارده‌، وه‌لێ تائيسه‌ باس نه‌كرياگه‌و هه‌وه‌جه‌ وه‌ دانيشتن ديريم وه‌رجه‌ پشتگيريكردنى.

 

نوجێفى وت: بايه‌سه‌ له‌بان عبادى بار خوه‌ى يه‌كلاوه‌ بكا له‌ باره‌ى ئنتماى ئه‌را حزب ده‌عوه‌ى شيعى ك په‌يوه‌نديه‌يل بته‌ويگ وه‌ل ئيران ديرێد و بايه‌سه‌ له‌ى تارماييه‌ ده‌رچوود تا بتويه‌نيد لايه‌نگرى فريه‌يگ مه‌ردمه‌يل عراقى وه‌ده‌س بارێد.

 

جى باسه‌، نوجێفى هه‌ميش وت: ئيمه‌ پشتگيرى له‌ عبادى ئه‌كه‌يم وه‌لێ نه‌ك وه‌بى مه‌رج، چوينكه‌ بايه‌سه‌ وه‌ گووره‌ى ريككه‌فتن سياسى بدێ و له‌بان به‌رژه‌وه‌ندى هاوبه‌ش ئه‌را عراقيه‌يل و ده‌رچگن له‌ تايفى سياسى و ده‌سڵاتگرتن له‌بان چه‌ك و په‌يوه‌نديه‌يل هاوسه‌نگ ناوده‌وڵه‌تى و ئيمه‌يش مه‌نهه‌ج ته‌ماميگ ديريم له‌ى باوه‌ته‌و ئه‌گه‌ر ريككه‌فتن له‌ناونيمان ئه‌نجام بگرێد.