هــــه‌واڵ عــیراق
كوردستان ئاشكراى كوشيان "ئه‌بو نه‌بيل" و شماره‌يگ ترۆريست كرد

كوردستان ئاشكراى كوشيان "ئه‌بو نه‌بيل" و شماره‌يگ ترۆريست كرد


شه‌فه‌ق نيوز/ ده‌زگاى دژه‌ ترۆر سه‌ر وه‌ ئه‌نجومه‌ن ئاسايش له‌ هه‌رێم كوردستان ئاشكراى كوشيان 10 چه‌كدار سه‌ر وه‌ ريكخرياگ داعش كرد و له‌ناونيانيش سه‌ركرده‌يگ له‌ئاكام په‌لاماره‌يليگ ئاسمانى له‌لايه‌ن ته‌ياره‌يل هاوپه‌يمان ناوده‌وڵه‌تى له‌ باشوور خوه‌رئاواى پاريزگاى كه‌ركوك.

 

ده‌زگاى دژه‌ ترۆر له‌ به‌ياننامه‌يگ وت: له‌ 17/ 4 / 2017 ته‌ياره‌يل هاوپه‌يمان ناوده‌وڵه‌تى له‌بان ڕى ئه‌لڕياز -  ئه‌لحه‌ويجه‌ بوردمان سه‌ياره‌يگ كردنه‌ 10 چه‌كدار ريكخرياگ ترۆريستى داعش له‌تى بوينه‌.

 

جى باسه‌، ده‌زگاى ناوبرياگ هه‌ميش وت: له‌و بوردمانه‌ 10 ترۆريست كوشيانه‌و له‌ناونيانيش "عه‌مار حه‌سه‌ن محه‌مه‌د حه‌سه‌ن"وه‌رپرس ئاسايشى له‌ ريكخرياگ داعش ناسرياگ" ئه‌بو نه‌بيل".