هــــه‌واڵ عــیراق
سه‌رۆك حكومه‌ت عراقى هاوخه‌مى ئه‌را فره‌نسا ده‌رخست

سه‌رۆك حكومه‌ت عراقى هاوخه‌مى ئه‌را فره‌نسا ده‌رخست


شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل بروسكه‌يگ هاوخه‌مى ئاراسته‌ى ئيمانويل ماكرۆن سه‌رۆك فره‌نسا كرد له‌باره‌ى ئه‌و ئاگره‌ ك كه‌فته‌و له‌ باڵه‌خانه‌ى كاتدرائى نۆتردام.

 

عه‌بدولمه‌هدى له‌و بروسكه‌ى هاوخه‌ميه‌ وت: وه‌ داخ فريه‌يگه‌و هه‌واڵ ئه‌و ده‌سدريژيه‌ وه‌پيمان ره‌سى ك ئه‌و باڵه‌خانه‌ى مێژوويى كاتدرائى نۆتردام فره‌نسيه‌ كرده‌ ئامانج و ئه‌و تاوه‌ر مێژوويه‌ ويران له‌تى ويران كرد.

 

عه‌بدولمه‌هدى وت: وه‌ناو خوه‌م و له‌جياى حكومه‌ت عراقى هاوخه‌مى ئه‌را ئه‌و روێداگ دڵته‌زنه‌ ده‌رخه‌يم و ئوميد خێر و سه‌قامگيرى ئه‌را كۆمار فره‌نسا و ملله‌ته‌ خاسه‌گه‌ێ ئه‌خوازيم وه‌ل سه‌ڵامه‌تى شوونه‌واره‌يل مێژوويى و ژيارى وڵاته‌ جوانه‌گه‌دان.