هــــه‌واڵ كــوردى
بارزانى گفتگوو جددێ له‌باره‌ى به‌غداو نواگيرى له‌ حوكم ته‌كڕه‌وێ ده‌رخست

بارزانى گفتگوو جددێ له‌باره‌ى به‌غداو نواگيرى له‌ حوكم ته‌كڕه‌وێ ده‌رخست


شه‌فه‌ق نيوز/ مه‌سعود بارزانى سه‌رۆك پارت ديموكرات كوردستان، ئاشكراى گفتگووه‌يليگ كرد ك تاريفى وه‌ جددى كرد له‌ به‌غدا ئه‌را دامه‌زرانن ئه‌نجومه‌ن ناوه‌ندى و ئه‌نجومه‌ن باڵا ئه‌را سياسه‌ته‌يل و پلان ستراتيجى.

 

بارزانى له‌ ديدارى وه‌ل كادره‌يل حزبه‌گه‌ى له‌ سنووره‌يل ئداره‌ى كه‌ركوك - گه‌رميان وت: كورد سێ بنه‌ما دانانه‌ له‌وه‌خت گفتگوو وه‌رده‌وام وه‌ل لايه‌نه‌يل سياسى ئه‌را دامه‌زرانن حكومه‌ت تازه‌ى عراقى، ك ئه‌ويش شه‌راكه‌ت راسكانى و ته‌وافق و هاوسه‌نگى ناونى پيكهاته‌يله‌.

 

بارزانى وت: ئيسه‌ كورد گفتگوو جددى ئه‌كه‌ن وه‌ل گشت لايه‌نه‌يل عراقى تا وه‌خت دامه‌زرانن ئه‌نجومه‌ن ناوه‌ندى و بايه‌سه‌ ئه‌نجومه‌ن باڵا ئه‌را سياسه‌ته‌يل و پلان ستراتيجييش دامه‌زريه‌ێد تا بڕياره‌يل گرنگ ده‌ربكه‌ێد وه‌ قه‌بولكردن نوێنه‌ره‌يل گشت پيكهاته‌يل وه‌ به‌شدارى كورد له‌وه‌ر خاتر نواگيرى له‌ ته‌كڕه‌وێ له‌ حوكم و نه‌شكانن ده‌ستوور و نه‌بايه‌د هويچ كه‌سيگ يا لايه‌نيگ ئه‌و تاوانه‌يله‌ دوباره‌وه‌ بكاد ك روێدا ده‌رهه‌ق وه‌ ملله‌ت كورد.