هــــه‌واڵ عــیراق
عه‌بدولمه‌هدى داواى راوێژ له‌باره‌ى بڕياره‌يليگ وه‌ل ئه‌مريكا ئه‌كا

عه‌بدولمه‌هدى داواى راوێژ له‌باره‌ى بڕياره‌يليگ وه‌ل ئه‌مريكا ئه‌كا


شه‌فه‌ق نيوز/ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل, داوا له‌ وڵاته‌يل يه‌كگرتگ ئه‌مريكا كرد مشاوره‌ له‌و بڕياره‌يله‌ بكا ك واشنتۆن ئه‌ياده‌ى ك گومان ئه‌وه‌ ديرێد وه‌شيوه‌يگ راسه‌وخۆ كاريگه‌رى له‌بان بارودوخ له‌ عراق داشتوود.

 

له‌ى باوه‌ته‌و حكومه‌ت عراقى له‌ به‌ياننامه‌يگ وت: عه‌بدولمه‌هدى له‌ نويسينگه‌ى فه‌رمى خوه‌ى چه‌وى كه‌فته‌سه‌ شانديگ له‌ ئه‌نجومه‌ن پيره‌يل ئه‌مريكى وه‌ سه‌رۆكايه‌تى سيناتۆر جين شاهين و جه‌خت له‌ گرنگى هاوكارى له‌ناونى عراق و وڵاته‌يل يه‌كگرتگ و باسيش له‌وه‌ كردگه‌ داعش شيرپه‌نجه‌يگه‌و بايه‌سه‌ له‌ناو بووريه‌ێد.

 

جى باسه‌، به‌ياننامه‌گه‌ هه‌ميش وت: كاره‌يل فره‌يگ ها وه‌رده‌ممان ئه‌را جيوه‌جيكردن سه‌ركه‌فتن له‌ بواره‌يل فريه‌يگ و له‌وانه‌يش بوار ئاوه‌دانى و دابينكردن خزمه‌تگوزارى و هاوردنه‌وه‌ى گشت ئاواره‌يل ئه‌را ناوچه‌يليان و كاراكردنه‌وه‌ى كه‌رت تايبه‌ت و كاره‌يل تر.