هــــه‌واڵ عــیراق
سه‌ركرده‌يگ سه‌ربازى: له‌ ماوه‌ى مانگيگ كووتايى وه‌ جه‌نگ موسڵ ئه‌يه‌رێم

سه‌ركرده‌يگ سه‌ربازى: له‌ ماوه‌ى مانگيگ كووتايى وه‌ جه‌نگ موسڵ ئه‌يه‌رێم


شه‌فه‌ق نيوز/ سه‌رۆك ده‌زگاى دژه‌ ترۆر ئه‌وه‌ ده‌رخست ك هيزه‌يل عراقى ئامانجى ده‌ركردن چه‌كداره‌يل ريكخرياگ داعشه‌ له‌ خوه‌رئاواى شار موسڵ له‌ ماوه‌ى مانگيگ ك هه‌رچه‌نى جه‌نگ سه‌ختيگيش كريه‌ێد له‌و ناوچه‌يله‌ ك شماره‌ى مه‌ردميان فريه‌س.

 

له‌ى باوه‌ته‌و، تالب شه‌غاتى له‌ كۆنگره‌يگ له‌ سلێمانى ك(شه‌فه‌ق نيوز)ئاگادارى بوى، وت: هه‌رچه‌نى جه‌نگ سه‌ختيگ وجوود ديرێد، وه‌لێ ئيمه‌ مكوڕيم له‌وه‌گ له‌ ماوه‌ى مانگيگ كووتايى وه‌ جه‌نگ ئه‌يه‌ريه‌ێد له‌ ديم خوه‌رئاوا.

 

جى باسه‌، هيزه‌يل عراقى ده‌سكردنه‌سه‌ جه‌نگ سه‌ختيگ له‌ ديم خوه‌رئاواى موسڵ وه‌خاتر ئازادكردن ئه‌و ناوچه‌يليشه‌ له‌ژير ده‌سڵات ريكخرياگ ترۆريستى داعش.