هــــه‌واڵ عــیراق
هيزيگ ئاسايشى هه‌وڵ واين داعش وه‌ره‌و سوريا پويچه‌ڵ كرد

هيزيگ ئاسايشى هه‌وڵ واين داعش وه‌ره‌و سوريا پويچه‌ڵ كرد


شه‌فه‌ق نيوز/ سه‌رچه‌وه‌يگ ئاگادار ئاشكراێ ئه‌وه‌ كرد ك هيزيگ ئاسايشى عراقى وه‌ پشتگيى حه‌شد شه‌عبى تويه‌نستگه‌ هه‌وڵيگ داگيركارى ريكخرياگ ترۆريستى داعش له‌بان مه‌رز وه‌ل سوريا پويچه‌ڵ بكا.

 

ئه‌و سه‌رچه‌وه‌ وت: ئى هيزه‌ ده‌سڵات خوه‌ێ فه‌رز كردگه‌ له‌بان كارخانه‌يگ مينڕيژكردن سه‌ياره‌يل و دروسكردن مينه‌يل سه‌ر وه‌ داعش له‌ موسڵ كويه‌ن و نزيكه‌ێ 20 سه‌ياره‌ پڕ له‌ مادده‌ێ(C4)و نزيكه‌ێ (200) مين پويچه‌ڵ كردگه‌ ك ئاماده‌ كرياوێن ئه‌را ته‌قينه‌وه‌ وه‌ل ده‌سوه‌سه‌رگرتن بڕ فريه‌يگ له‌ چه‌ك سووك و نيمچه‌ قورس.

 

جى باسه‌، سه‌رچه‌وه‌گه‌ هه‌ميش وت: ئى مادده‌يله‌ ئاماده‌ كرياوێن ئه‌را جيوه‌جيكردن په‌لاماريگ له‌بان هيزه‌يل ئاسايشى و حه‌شد شه‌عبى ك له‌بان مه‌رزه‌يل وجوود ديرن تا بتويه‌نن وه‌ ئاسانى له‌ عراقه‌و بهه‌يوان وه‌ره‌و‌ سوريا.