هــــه‌واڵ عــیراق
ئاسايش و سوپاى عراقى وه‌ره‌ڕوێ په‌لاماريگ داعش بوينه‌و له‌ جه‌له‌ولا

ئاسايش و سوپاى عراقى وه‌ره‌ڕوێ په‌لاماريگ داعش بوينه‌و له‌ جه‌له‌ولا


شه‌فه‌ق نيوز/ ئه‌فسه‌ريگ له‌ ئاسايش ناوچه‌ى گه‌رميان، وت: هيزه‌يل ئاسايش كورد و سوپاى عراقى وه‌ره‌ڕوێ په‌لاماريگ ريكخرياگ تيرۆريستى داعش بوينه‌سه‌و له‌ مه‌رزه‌يل شار جه‌له‌ولا.

 

ئه‌و ئه‌فسه‌ره‌ ئه‌را شه‌فه‌ق نيوز وت: له‌ نزيكه‌ى سه‌عات 11:30ى ئيواره‌ چه‌كداره‌يل ريكخرياگ داعش په‌لاماريگ ئه‌را بان بازگه‌ى شێخ باوه‌ له‌ مه‌رز شار جه‌له‌ولا سه‌ر وه‌ قه‌زاى خانه‌قين له‌ خوه‌رهه‌ڵات دياله‌ ئه‌نجام دانه‌.

 

جى باسه‌، ئه‌فسه‌ره‌گه‌ هه‌ميش وت: هيزه‌يل ئاسايش گه‌رميان و سوپاى عراقى هاوكارى يه‌كترى كردنه‌ ئه‌را وه‌ره‌ڕوێ بوينه‌وه‌ى ئه‌و په‌لاماره‌ ك ئه‌را ماوه‌ى نيم سه‌عات وه‌رده‌وام بويه‌.