هــــه‌واڵ جیــهانى
ئيران شكه‌ست وه‌ پلانيگ ترۆريستى هاورد

ئيران شكه‌ست وه‌ پلانيگ ترۆريستى هاورد


شه‌فه‌ق نيوز/ هاجه‌ر چنارانى ئه‌ندام ليژنه‌ێ ئاسايش نه‌ته‌وه‌يى و سياسى خارجى له‌ ئه‌مجومه‌ن شوراێ ئيرانى، ئاشكراى ئه‌وه‌ كرد ك زومره‌ێ وه‌ناو"ئه‌نسارولفورقان"خوازيار بوينه‌ ته‌قينه‌وه‌ له‌ناو وڵاته‌گه‌ ئه‌نجام بيه‌ن له‌ ڕى وڕه‌سم شه‌و قه‌در له‌ ره‌مه‌زان.

 

چنارانى وت: له‌ وه‌خت جه‌نگ و روێ وه‌ڕوێ بوينه‌وه‌ى ناونى پاسه‌وان مه‌رزه‌يل ئيرانى وه‌ل زومره‌ێ ئه‌نسارولفورقان ترۆريستى، بڕ فريه‌يگ چه‌ك و ته‌قه‌مه‌نى له‌لاێ ئه‌و ترۆريسته‌يله‌ ده‌سگير كريانه‌ ك خوازيار بوينه‌ له‌ شه‌و قه‌در ته‌قينه‌وه‌ ئه‌نجام بيه‌ن.

 

جى باسه‌، چنارانى هه‌ميش وت: هيزه‌يل پاسه‌وان شووڕش و پۆليسيش شكه‌ست وه‌ هه‌وڵ ترۆريسته‌يل هاوردنه‌ له‌ وه‌خت هاتنيان ئه‌را ناو خاكه‌يل وڵاته‌گه‌و شماره‌يگ له‌لى كوشتنه‌و باقييانيش واينه‌ ئه‌را جه‌وه‌ڵه‌يل ئه‌و ناوچه‌يله‌ ك شاره‌زايه‌يلى له‌ ڕى وبانه‌يلى ديرن.