هــــه‌واڵ كــوردى
كورد سوريا ده‌سكردنه‌ قوناغ دويه‌م له‌ هه‌ڵوژاردنه‌يل

كورد سوريا ده‌سكردنه‌ قوناغ دويه‌م له‌ هه‌ڵوژاردنه‌يل


شه‌فه‌ق نيوز/ ناوچه‌يل كوردستان سوريا، ده‌سكردنه‌سه‌ قوناغ دويه‌م له‌ هه‌ڵوژاردنه‌يل ناوچه‌يى له‌ شوونه‌يل ئداره‌ى زاتى كورد له‌ چوارچيوه‌ى پرووسه‌ى وه‌ره‌و دامه‌زرانن په‌رله‌مان ناوچه‌يى وه‌ل هاتن سه‌ره‌تاى ساڵ ئاينده‌و ئاماده‌بوين ئه‌را سيستميگ فيدراڵى له‌ گشت وڵاته‌گه‌ وه‌گوره‌ى قسه‌ى ريكخه‌ره‌يل ئه‌و هه‌ڵوژاردنه‌يله‌ ك حزبه‌يليگ كوردى و ئاشوورى و چينيليگيش فراوان له‌ پيكهاته‌يل عه‌ره‌ب له‌لى داوڕيان.

 

ئى هه‌ڵوژاردنه‌يله‌ ك فيشتر له‌ 30 حزب و قه‌واره‌ له‌تى به‌شدارى ئه‌كه‌ن، زوورميان كوردن و هه‌ڵوژاردنه‌يل ئه‌نجومه‌ن ناوچه‌يى ئه‌را ئه‌و ناوچه‌و شوونه‌يله‌ له‌تى ئه‌نجام ئه‌گرێد ك هه‌رێم له‌تيان دامه‌زريه‌ێد جوور هه‌رێم ئه‌لجزيره‌ ك شاره‌يل حه‌سه‌كه‌و قامشلى و شاره‌يل تر ئه‌گرێده‌وه‌و هه‌رێم ئه‌لفورات ك به‌شه‌يليگ له‌ پاريزگايه‌يل حه‌له‌ب و ئه‌لڕقه‌ ئه‌گرێده‌وه‌و هه‌رێم عه‌فرين له‌ ريف حه‌له‌ب باكوور.

 

جى باسه‌، وه‌ گووره‌ى سيستم فيدراڵى ك له‌لايه‌ن حزب يه‌كێتى ديموكراته‌و له‌ مارس/ ئادار2016 ئاشكرا كريا، ئه‌و ناوچه‌يله‌ ناو نريا ئداره‌ى زاتى، ئه‌ويش وه‌بى ئه‌وه‌گ ئعترافيگ ناوچه‌يى يا ناوده‌وڵه‌تى وه‌ده‌س بارێد.