هــــه‌واڵ كــوردى
شانۆگه‌رێ وه‌ پاڵه‌وانێتى مناڵه‌يل ئێزيدێ له‌ دهۆك نمايش كريا

شانۆگه‌رێ وه‌ پاڵه‌وانێتى مناڵه‌يل ئێزيدێ له‌ دهۆك نمايش كريا


شه‌فه‌ق نيوز/ مناڵه‌يل ئێزيدى له‌ كه‌مپ شاريا له‌ باشوور پاريزگاێ دهۆك نمايشه‌يليگ شانۆيى پيشكه‌ش كردن ئه‌را ده‌رخستن واقع مناڵه‌يل له‌ ناوچه‌يل شه‌نگاڵ دوياێ ئه‌وه‌گ چه‌كداره‌يل داعش له‌ تاوسان 2014 داگيرى كردن.

 

له‌ى باوه‌ته‌و، مناڵه‌يليگ ئێزيدى نمايشه‌يليگ شانۆيى و شيوه‌كارى و كاره‌يليگ ده‌سكرد پيشكه‌ش كردن له‌ژير چه‌ودێرى خوله‌يل هونه‌رێ و رووشنهويرى ك له‌لايه‌ن ده‌زگاێ شه‌نگاڵ ئه‌را په‌ره‌داين مرۆيى له‌ كه‌مپه‌گه‌ ساز كريا.

 

ناديه‌ ك مناڵيگ ئێزيديه‌ له‌ى شانۆگه‌ريه‌ تابلۆيه‌يليگ هونه‌رێ ئه‌را رووشنهويركردن مناڵه‌يل له‌ كه‌مپه‌گه‌ و مناڵيگيش وه‌ناو كاترينا جنگ مناڵه‌يل ته‌سميم كردوێد وه‌ل كاره‌يليگ تر ده‌سكرد له‌وه‌ر هانداين مناڵه‌يل ئێزێدى و رووشنهويركردنيان.