هــــه‌واڵ كــوردى
كوردستان ئاشكراێ كلكردن شانديگ ئه‌را به‌غدا كرد

كوردستان ئاشكراێ كلكردن شانديگ ئه‌را به‌غدا كرد


شه‌فه‌ق نيوز/ ليژنه‌ێ باڵاێ راپرسێ له‌ هه‌رێم كوردستان، بريار كلكردن شانديگ پايه‌به‌رز كرد ئه‌را به‌غداێ پايته‌خت له‌وه‌ر تاوتوێكردن مه‌سه‌له‌ێ ئه‌نجامداين راپرسێ وه‌ل وه‌رپرسه‌يل عراقى.

 

ليژنه‌گه‌ له‌ به‌ياننامه‌يگ باس له‌وه‌ كرد ك دانيشتنيگ وه‌ سه‌رۆكايه‌تى مه‌سعود بارزانى سه‌رۆك هه‌رێم ساز كردگه‌ ئه‌را مه‌سه‌له‌ێ دامه‌زرانن شانديگ له‌وه‌ر كلكردنى ئه‌را به‌غدا وه‌خاتر تاوتويكردن مه‌سه‌له‌ێ ئه‌نجامداين راپرسێ وه‌ل وه‌رپرسه‌يل عراقى ك بڕياره‌ له‌ 25 ئه‌يلوول ئاينده‌ ئه‌نجام بگرێد.

 

جى باسه‌، وه‌ گووره‌ێ به‌ياننامه‌گه‌ يه‌يش ده‌ركه‌فت ك شانديگ له‌ى باوه‌ته‌و دامه‌زرياگه‌و به‌رنامه‌يگ ته‌ماميگ ئه‌را تاوتويكردن راپرسى وه‌ل به‌غدا دامه‌زرياگه‌، وه‌لێ به‌ياننامه‌گه‌ ئاماژه‌ وه‌ ناو كه‌سه‌يل شانده‌گه‌ يا واده‌ێ سه‌ردانى ئه‌را به‌غدا نه‌كرد.