هــــه‌واڵ كــوردى
ئه‌را يه‌كه‌مجاره‌.. كورديگ ئه‌دێده‌ سه‌رۆك ريكخرياگ زانكۆيه‌يل عه‌ره‌بى

ئه‌را يه‌كه‌مجاره‌.. كورديگ ئه‌دێده‌ سه‌رۆك ريكخرياگ زانكۆيه‌يل عه‌ره‌بى


شه‌فه‌ق نيوز/ وه‌ڕيه‌وبه‌ر تۆمار زانكۆى پۆليته‌كنيكى سلێمانى، له‌ كۆنفرانس زانكۆيه‌يل عه‌ره‌بى له‌ وڵات مسر بويه‌ سه‌رۆك ريكخرياگ زانكۆيه‌يل عه‌ره‌بى و بڕياريشه‌ ساڵ 2019 كۆنفرانسه‌گه‌ وه‌ به‌شدارى 125 زانكۆ له‌ سلێمانى ساز بكريه‌ێد.

 

به‌ختیار شه‌ریف، وه‌ڕيوه‌به‌ر تۆمار گشتی زانكۆی پۆلیته‌كنیكی سلێمانی ك‌ جوور سه‌رۆك رێكخريايه‌گه‌ هه‌ڵوژرياگه‌، وت: له‌ كۆنفرانس 37ەمین زانكۆيه‌يل وڵاتاته‌يل عه‌ره‌بی كه‌ ماوه‌ی نزیكه‌ی هه‌فته‌یگ له‌ شار قاهیره‌ى پایته‌خت مسر ساز كريا، من وه‌ جه‌م ده‌نگ ئه‌ندامه‌يل، متمانه‌ وه‌پيم به‌خشرياو بويمه‌ سه‌رۆك ريكخريايه‌گه‌ تا ساڵ  2019.

 

شه‌ريف هه‌ميش وت: كۆنفرانسه‌گه‌ تايبه‌ت بوى وه‌ سه‌رۆكايه‌تى ريكخرياگ عه‌ره‌بى ئه‌را وه‌رپرسه‌يل وه‌رگرتن و نۆمار له‌ زانكۆيه‌يل وڵاته‌يل عه‌ره‌بى و له‌تى من هه‌ڵوژريام وه‌ سه‌رۆك ريكخريايه‌گه‌و سه‌رۆك ليژنه‌ى جيوه‌جيكردن ريكخريايه‌گه‌يش.