هــــه‌واڵ كــوردى
له‌ ته‌ياره‌خانه‌يل توركيا ره‌فتار ناوه‌جى وه‌رانوه‌ر گه‌شتياره‌يل كورد ئه‌كريه‌ێد

له‌ ته‌ياره‌خانه‌يل توركيا ره‌فتار ناوه‌جى وه‌رانوه‌ر گه‌شتياره‌يل كورد ئه‌كريه‌ێد


شه‌فه‌ق نيوز/ ئه‌و كورده‌يل تاراوگه‌‌ ك ته‌ياره‌خانه‌يل توركيا جوور ترانزێت وه‌ ناچارى ئه‌يه‌رنه‌ كار، تويش كيشه‌و گرفت ئه‌يه‌ن و له‌ ئه‌گه‌ره‌يل داشتن وێنه‌ى ئاڵاى كوردستان يا هه‌ر نيشانه‌يگ تر ملله‌ت كورد له‌ناو مۆبايل، گرفت ئه‌رايان دروس ئه‌كريه‌ێد.

 

له‌ى باوه‌ته‌و، جوور ئه‌وه‌گ خوه‌يان ئاماژه‌ وه‌پى ئه‌كه‌ن، له‌ ته‌ياره‌خانه‌يل توركيا مامڵه‌يل نه‌گونجياگ وه‌ليانا ئه‌كريه‌ێد و وشكنريه‌ن و مۆبايله‌يليان له‌لى بريه‌ێد.

 

جى باسه‌، كورده‌يل باس له‌وه‌يش ئه‌كه‌ن هه‌ر وه‌ختيگ بوينن له‌ فه‌يسبوك و له‌ناو مۆبايله‌يليان نيشانه‌يگ يا ئاڵاى كوردستان وجوود داشتوود، ئه‌وه‌ رێ وه‌ داوه‌زينيان نادريه‌ێد و دوباره‌ كله‌وكريه‌ن ئه‌را ئه‌و شوونه‌يله‌ له‌لێه‌و هاتنه‌و بيجگه‌ ئه‌وه‌يش 5 ساڵ گه‌شت توركيا له‌ليان قه‌يه‌غه‌ ئه‌كريه‌ێد.