هــــه‌واڵ عــیراق
كشتوكاڵ نوێنه‌رايه‌تى: عراق تويش جه‌نگيگ ئاوى هاتگه‌ خراوتر له‌ ترۆر

كشتوكاڵ نوێنه‌رايه‌تى: عراق تويش جه‌نگيگ ئاوى هاتگه‌ خراوتر له‌ ترۆر


شه‌فه‌ق نيوز/ مه‌نسور بعێجى جيگر سه‌رۆك ليژنه‌ى كشتوكاڵ و ئاوه‌يل له‌ ئه‌نجومه‌ن نوێنه‌ره‌يل عراقى، داوا له‌ حكومه‌ت عراق دوسيه‌ێ ئابوورى بارێده‌ كار ئه‌را فشارخستن له‌بان ده‌وڵه‌ته‌يل سه‌رچه‌وه‌ێ ئاو وه‌خاتر زيايكردن به‌ش عراق له‌ئاو.

 

بعێجى له‌ به‌ياننامه‌يگ رووژنامه‌گه‌رى وت: بايه‌سه‌ له‌بان حكومه‌ت ده‌خاڵه‌ت گورجيگ بكا ئه‌را فشارخستن له‌بان توركيا له‌وه‌ر زيايكردن به‌شمان له‌ ئاو وه‌تايبه‌ت ك ئه‌و وڵاته‌ دوسيه‌ى ئابوورى گه‌ورايگ ديرێد له‌ عراق و بايه‌سه‌ حكومه‌ت جوور وه‌سيله‌يگ فشار بارێده‌ كار و جوور ته‌ماشاكه‌ر خوه‌ى نيشان نه‌يه‌ێد، چوينكه‌ ئه‌وه‌گ روێ ئه‌ياد له‌ بواره‌و جه‌نگيگه‌ له‌ ترۆر خراوتره‌ ك ماوه‌ى فريه‌يگه‌ ناڵنيم وه‌ده‌س بڕينيه‌و له‌لايه‌ن ئه‌و وڵاته‌يله‌وه‌ ك سه‌رچه‌وه‌ ئاويه‌گه‌ هاله‌تييان.

 

جى باسه‌، بعێجى هه‌ميش وت: دوياى ئازادكردن خاكه‌يليمان له‌ چه‌ته‌يل داعش، ئمڕوو تويش جه‌نگ ئاوى هاتيمنه‌و مه‌ترسى يه‌يش له‌ جه‌نگ ترۆر كه‌متر نيه‌ له‌لايه‌ن ده‌وڵه‌ته‌يل سه‌رچه‌وه‌دار چوينكه‌ كشتوكاڵ له‌ وڵاته‌گه‌مان ويران بويه‌ وه‌ بوونه‌ى وشكه‌وبوين ده‌رياچه‌يل له‌ چه‌نن پاريزگايگ.