هــــه‌واڵ عــیراق
چه‌كداره‌يل داعش نزيكه‌ى 20 كه‌س له‌ يه‌كترى كوشتن و زه‌خمدار كردن

چه‌كداره‌يل داعش نزيكه‌ى 20 كه‌س له‌ يه‌كترى كوشتن و زه‌خمدار كردن


شه‌فه‌ق نيوز/ محه‌مه‌د زه‌يفان ئه‌لعوبێدى سه‌رۆك ئه‌نجومه‌ن ناوچه‌يى ناحيه‌ى عزێم له‌ باكوور دياله‌ ئاشكراى كوشيان نزيكه‌ى 14ترۆريست و زه‌خمداربوين نزيكه‌ى 6 ترۆريست تر كرد له‌ كوشتاريگ ناونى چه‌كداره‌يل ئه‌و ريكخرياگه‌ له‌ قه‌زاى حه‌ويجه‌ له‌ باشوور خوه‌رئاواى كه‌ركوك و چه‌كداره‌يل هه‌مان ريكخرياگ له‌ يه‌كيگ له‌ ئاوايه‌يل مه‌زرى ناونى دياله‌و سه‌ڵاحه‌دين وه‌ بوونه‌ى ناكووكى و واين و شكه‌سته‌يليان له‌ جه‌نگ.

 

ئه‌لعوبێدى ئه‌را(شه‌فه‌ق نيوز)وت: ئه‌و داعشيه‌يله‌ ك واينه‌ له‌ خوه‌رهه‌ڵات سه‌ڵاحه‌دين و ده‌ورگرد حه‌ويجه‌، كه‌فتنه‌سه‌ جه‌نگه‌و وه‌ل داعشيه‌يل تر ك واينه‌ له‌ ناوچه‌يل باكوور خوه‌رئاواى عزێم وه‌ بوونه‌ى تومه‌تكردن زه‌ره‌ده‌يليان وه‌ يه‌كترى.

 

جى باسه‌، ئه‌لعوبێدى هه‌ميش وت: بايه‌سه‌ ئى كوشت و كوشتار ناونى داعشيه‌يله‌ ئستغلال بكريه‌ێد ريه‌يل ده‌سميه‌ت له‌ليان بوڕيه‌ێد تا جاريگتر نه‌تويه‌نن گله‌و بخوه‌ن ئه‌را متێبيجه‌ له‌ڕى خاڵه‌يليگ له‌ ناوچه‌يل ئه‌لزرگه‌و ئه‌لعيت له‌ خوه‌رهه‌ڵات سه‌ڵاحه‌دين ك ئه‌ڕه‌سيده‌ ده‌ورگرد حه‌ويجه‌.