هــــه‌واڵ عــیراق
په‌رله‌مان عراقى ساڵياد ئه‌نفال كورد كرد

په‌رله‌مان عراقى ساڵياد ئه‌نفال كورد كرد


شه‌فه‌ق نيوز/ ريكخرياگ هاوكارى ناوده‌وڵه‌تى ئه‌ڵمانى وه‌ هاوكارى وه‌ل ده‌زگاى ره‌سانن له‌ ئه‌نجومه‌ن نوێنه‌ره‌يل عراقى 29يه‌مين ساڵياد كاره‌ساته‌يل ئه‌نفال كرد ك رژيم وه‌رين دژ ملله‌ت كورد ئه‌نجامى دا.

 

ئه‌و ساڵياده‌ وه‌ سه‌رپه‌رشى ئارام شێخ محه‌مه‌د جيگر سه‌رۆك په‌رله‌مان له‌ هۆڵ گه‌وراى ئه‌نجومه‌نه‌گه‌ ئه‌نجام دريا وه‌ ئاماده‌بوين سه‌ليم جبورى سه‌رۆك ئه‌نجومه‌ن و هومام حه‌مودى جيگر يه‌كه‌مى و ئوسامه‌ نوجێفى جيگر سه‌رۆك كۆمار و عه‌مار حه‌كيم سه‌رۆك هاوپه‌يمان نيشتمانى و نوێنه‌ر سه‌رۆك كۆمار و نوێنه‌ر سه‌رۆك وه‌زيره‌يل و شماره‌يگ له‌ وه‌زيره‌يل و سه‌رۆكه‌يل و نوێنه‌ره‌يل تر فراكسيۆنه‌يل و شماره‌يگ له‌ باڵوێزه‌يل و بڕيگ له‌ خيزانه‌يل قوربانيه‌يل ئه‌نفال.

 

جى باسه‌، له‌و ساڵياده‌ داواى ئه‌وه‌ كريا خيزان قوربانيه‌يل ئه‌نفال فه‌رامووش نه‌كريه‌ن و خواست و داواكاريه‌يليان جيوه‌جى بكريه‌ێد وه‌ل مافه‌يل ره‌وايان و له‌ كووتايى ئه‌و ساڵياديشه‌ بڕێگ دروع رێزگرتن له‌بان شماره‌يگ له‌ خيزانه‌يل و كه‌س وكار قوربانيه‌يل دابه‌ش كريا.