هــــه‌واڵ عــیراق
ئۆغلۆ قه‌يران به‌غداو كوردستان وه‌ل عبادى باس ئه‌كا

ئۆغلۆ قه‌يران به‌غداو كوردستان وه‌ل عبادى باس ئه‌كا


شه‌فه‌ق نيوز/ مه‌ولود جاويش ئۆغلۆ وه‌زير خارجيه‌ى توركى، ئاشكراى باسكردن گرژيه‌يل  ناونى حكومه‌ت عراقى و هه‌رێم كوردستان ئه‌كا له‌ سه‌ردان ئاينده‌ێ ئه‌را به‌غدا.

 

ئۆغلۆ له‌ وه‌خت ميوانداريكردنى له‌ ئاژانس فه‌رمى ئه‌نادۆڵ ك له‌ڕێ تلفزيۆنه‌وه‌ بڵاو كريا، وت: بايه‌سه‌ له‌بان هه‌ولێر پابه‌ند بدێ وه‌ ده‌ستوور عراقى نه‌دێده‌ لايه‌نيگ له‌ ئاڵشتكردن مه‌رزه‌يل.

 

جى باسه‌، ئۆغلۆ هه‌ميش وت: داواكارييگ له‌باره‌ى ناوبژيوانى وه‌پيمان ره‌سيه‌و له‌ 21 يه‌ناير/ كانون يه‌كه‌م سه‌ردان به‌غدا ئه‌كه‌يم ئه‌را تاوتويكردن ئى مه‌سه‌له‌ وه‌ل حه‌يده‌ر عبادى سه‌رۆك وه‌زيره‌يل عراقى وه‌ل باسكردن مه‌سه‌له‌يليگ تر.