هــــه‌واڵ عــیراق
جبورى له‌باره‌ێ ديدارى وه‌ل بارزانى وه‌ى جووره‌ جواو ره‌خنگره‌يل داره‌و

جبورى له‌باره‌ێ ديدارى وه‌ل بارزانى وه‌ى جووره‌ جواو ره‌خنگره‌يل داره‌و


شه‌فه‌ق نيوز/ سه‌ليم جبورى سه‌رۆك په‌رله‌مان عراقى ئه‌وه‌ ده‌رخست ك ديدارى وه‌ل مه‌سعود بارزانى سه‌رۆك هه‌رێم كوردستان له‌ هه‌ولێر له‌وه‌ر ئارامه‌وكردن خراوبوين په‌يوه‌نديه‌يل ناونى به‌غدا و هه‌ولێر و ده‌خاڵه‌تكردن ده‌وڵه‌ته‌يل هه‌رێمى بويه‌ جوور لايه‌نه‌يليگ له‌ مه‌سه‌له‌گه‌ ك هه‌ڕه‌شه‌ له‌ ئاسايش وڵاته‌گه‌ ئه‌كه‌ن.

 

جبورى له‌ به‌ياننامه‌يگ ئه‌را(شه‌فه‌ق نيوز)وت: ئى ديداره‌ له‌وه‌ر وساننه‌وه‌ى خراوبوين په‌يوه‌ندى ناونى حكومه‌ت ناوه‌ندى و هه‌رێم بويه‌ دوياى ئه‌و روێداگه‌يل مه‌ترسيداره‌ ك له‌شوون راپرسێ 25 ئه‌يلوول په‌يا بوى و ده‌وڵه‌ته‌يل هه‌رێمى ده‌خاڵه‌ت له‌تى ئه‌كه‌ن جوور لايه‌نه‌يليگ ك يه‌يش هه‌ره‌شه‌س ئه‌را بان ئاسايش و سه‌قامگيرى عراق جوور ده‌وڵه‌ت.

 

جى باسه‌، جبورى هه‌ميش وت: ئى ديداره‌ له‌وه‌ر خاتر هاوردنه‌وه‌ى گشت لايه‌نه‌يليش بويه‌ ئه‌را په‌ياكردن چاره‌سه‌ريگ و كووتاييهاوردن وه‌ حاڵه‌ت داوڕيان له‌ ناونى ناوه‌ند و هه‌رێم و باس له‌وه‌يش كرد ك دانيشتنى وه‌ل بارزانى جه‌ختكردن بويه‌ له‌بان گرينگى شه‌راكه‌ت و حورمه‌تگرتن بنه‌مايه‌يلى و مقه‌يه‌تيكردن له‌ به‌رژه‌وه‌نديه‌يل گشتلا و هه‌وه‌جه‌كردن ئه‌را گفتگوو وه‌خاتر ئارامه‌وكردن بارودوخه‌گه‌ دوير له‌ زووان هه‌ڕه‌شه‌.