هــــه‌واڵ عــیراق
گۆڕان: به‌غدا مكوڕه‌ له‌بان لاوردن هه‌رێم كوردستان و كورد بايه‌سه‌ هه‌ڵويست بته‌و داشتوود

گۆڕان: به‌غدا مكوڕه‌ له‌بان لاوردن هه‌رێم كوردستان و كورد بايه‌سه‌ هه‌ڵويست بته‌و داشتوود


شه‌فه‌ق نيوز/ ئه‌نداميگ كورد له‌ ئه‌نجومه‌ن نوێنه‌ره‌يل عراقى له‌بان بزووتنه‌وه‌ى گۆڕان، ئاشكراى ئه‌وه‌ كرد ك به‌غدا مكوڕه‌ له‌بان لاوردن هه‌رێم كوردستان و له‌وه‌رگرتن گامه‌يليگ ئه‌را لاوردن مافه‌يل كورد له‌ ده‌ستوور.

 

له‌ى باوه‌ته‌و، مه‌سعود حه‌يده‌ر له‌بان لاپه‌ڕه‌ى خوه‌ى له‌ ماڵپه‌ڕ كۆمه‌لايه‌تى فه‌يسبوك وتگه‌: ئه‌نجومه‌ن وه‌زيره‌يل ناوه‌ندى دانيشتنيگ وه‌ سه‌رپه‌رشى ئبراهيم جه‌عفه‌رى ئه‌را تاوتوێكردن پرووژه‌ ياساى بودجه‌ى گشتى ساڵ 2018 ساز كردگه‌و ته‌نيا دو وه‌زير كورد نه‌ود باقى وه‌زيره‌يل ده‌نگ له‌بان ئه‌و پرووژه‌ دان و باس له‌وه‌يش كرد ك به‌رزترين ده‌سڵات جيوه‌جيكاريش له‌ عراق حورمه‌ت ده‌ستوور و راى مه‌رجه‌عيه‌و ته‌وافق سياسييش ناگرێد.

 

جى باسه‌، حه‌يده‌ر هه‌ميش وت: به‌ش هه‌رێم له‌ بودجه‌ كه‌مه‌و كريا وه‌ پشتبه‌سانن له‌بان بنه‌ماى به‌يانات گومانليكرياێ و مسته‌ڵح هه‌رێم كوردستانيش ئاڵشت كرياگه‌ ئه‌را باكوور عراق و پاريزگايه‌يل هه‌رێم و ئاماژه‌ وه‌يه‌يش كرد ك وه‌رده‌وامبوين له‌بان ئى ريڕه‌وه‌ له‌لايه‌ن به‌غداوه‌ ئاماده‌گيه‌ ئه‌را داوڕين هه‌رێم و لاوردنى و ئاڵشتكاريكردن له‌ ده‌ستوور عراقى و لاوردن ئه‌و مادده‌يله‌ ك مافيل كورد زه‌مانه‌ت ئه‌كا.