هــــه‌واڵ كــوردى
هاووڵاتيه‌يل كوردستان گه‌شت عومره‌ ناكه‌ن.. له‌وه‌ر ئى هووكاره‌

هاووڵاتيه‌يل كوردستان گه‌شت عومره‌ ناكه‌ن.. له‌وه‌ر ئى هووكاره‌


شه‌فه‌ق نيوز/ نه‌به‌ز ئسماعيل قسه‌كه‌ر وه‌ناو وزاره‌ت ئه‌وقاف و كاروبار ئايينى كوردستان، ئاشكراى ئه‌وه‌ كرد ك هويچ هاووڵاتييگ له‌ هه‌رێم كوردستان گه‌شت سعوديه‌ ناكه‌ن وه‌ مه‌رام ئه‌نجامداين عومره‌.

 

ئسماعيل وت: دواى وسانن گه‌شته‌يل له‌ ته‌ياره‌خانه‌يل هه‌ولێر و سلێمانى، هويچ هاووڵاتييگ له‌ هه‌رێم كوردستان سه‌ردان سعوديه‌ نه‌كردگه‌ وه‌ مه‌رام ئه‌نجامداين عومره‌.

 

ئسماعيل باس له‌وه‌ كرد ك ساڵانه‌ نزيكه‌ى 15 تا 20 هه‌زار هاووڵاتى له‌ كوردستان عومره‌ ئه‌نجام ئه‌يه‌ن له‌ سعوديه‌، وه‌لێ ئمساڵ وه‌ بوونه‌ى داخستن به‌ش گه‌شته‌يل ده‌ره‌كى هه‌ردوگ ته‌ياره‌خانه‌ى ناوده‌وڵه‌تى هه‌ولێر و سلێمانى هويچ هاووڵاتييگ هه‌رێم ئه‌و گه‌شته‌ ئه‌نجام نه‌يانه‌.

 

جى باسه‌، له‌ 29 مانگ ئه‌يلوول گوزه‌يشت، گشت گه‌شته‌يل ئاسمانى ده‌ره‌كى له‌ هه‌ردوگ ته‌ياره‌خانه‌ى هه‌ولێر و سلێمانى و وه‌چه‌وايشه‌وه‌ داخريان، ئه‌ويش جوور كاردانه‌وه‌يگ له‌بان مه‌سه‌له‌ێ راپرسى ك له‌ 25 ئه‌يلوول گوزه‌يشت ئه‌نجام گرت.