هــــه‌واڵ كــوردى
حكومه‌ت كوردستان هه‌ڵويست له‌باره‌ى بوردمانكردن سوريا ده‌رخست

حكومه‌ت كوردستان هه‌ڵويست له‌باره‌ى بوردمانكردن سوريا ده‌رخست


شه‌فه‌ق نيوز/ سه‌فين دزه‌يى قسه‌كه‌ر وه‌ناو حكومه‌ت هه‌رێم كوردستان، باس كرد و وت: ئه‌و په‌لاماره‌يله‌ ك وڵاته‌يل يه‌كگرتگ ئه‌مريكى و هاوپه‌يمانه‌يلێ ئه‌نجامى دان ئه‌را بان بنكه‌يل سه‌ر وه‌ رژيم سورى ئه‌دێده‌ جى نگه‌رانى و ناڕه‌حه‌تى له‌ ناوچه‌گه‌و يه‌يش ده‌رخست ك نگه‌رانيشه‌ له‌ى مه‌سه‌له‌.

 

دزه‌يى له‌ وه‌خت به‌شداريكردنى له‌ رێ وڕه‌سم ساڵياد ئه‌نفال له‌ هه‌ولێر وت: ئيمه‌ نگه‌رانيم له‌و په‌لاماره‌يله‌ ك هه‌ر يه‌ك له‌ ئه‌مريكاو فره‌نساو بريتانيا ئه‌نجامى دان ئه‌را بان سوريا.

 

جى باسه‌، دزه‌يى هه‌ميش وت: په‌لاماره‌يل ئه‌مريكاو هاوپه‌يمانه‌يلێ ئه‌را بان سوريا بارودوخه‌گه‌ له‌ ناوچه‌گه‌ گرژه‌و ئه‌كاو ئه‌و په‌لاماره‌يله‌ و كاريگه‌ريه‌گه‌ێ سه‌قامگيرى ناوچه‌گه‌ ويران ئه‌كاو باس له‌وه‌يش كرد ك ڕێ گفتگوو خاسترين بژارده‌يگه‌ ئه‌را چاره‌سه‌ر كيشه‌يل له‌ سوريا.