هــــه‌واڵ كــوردى
ده‌سدريژى له‌بان نويسه‌ريگ كورد بارزانى تويڕه‌ كرد و فه‌رمان گرتن په‌لامارده‌ره‌يل دا

ده‌سدريژى له‌بان نويسه‌ريگ كورد بارزانى تويڕه‌ كرد و فه‌رمان گرتن په‌لامارده‌ره‌يل دا


شه‌فه‌ق نيوز/ ئومێد سه‌باح قسه‌كه‌ر وه‌ناو سه‌رۆكايه‌تى هه‌رێم كوردستان ئاشكراى ئه‌وه‌ كرد ك مه‌سعود بارزانى سه‌رۆك هه‌رێم رينمايى گرتن ئه‌و كه‌سه‌يله‌ داگه‌ ك ده‌سدريژى كردنه‌سه‌ بان نويسه‌ريگ ناودار كورد.

 

له‌ى باوه‌ته‌و، ماڵپه‌ڕه‌يل په‌يوه‌ندى كۆمه‌ڵايه‌تى باس له‌ گرته‌ ڤيديۆيگ كردن ك فه‌رهاد پيرباڵ نويسه‌ر و شاعر ناودار كورد له‌تى تويش ده‌سدريژى هاتگه‌ له‌لايه‌ن كه‌سه‌يليگ نه‌ناسرياگ له‌ هه‌ولێر و ده‌مچه‌وى خويناوى و زه‌خمى كردنه‌ وه‌بى ئه‌وه‌گ هووكار ئه‌و روێداگه‌ بزانريه‌ێد.

 

جى باسه‌، سه‌باح يه‌يش ده‌رخست ك مه‌سعود بارزانى سه‌رۆك هه‌رێم له‌ى كاره‌ فريه‌ تويڕه‌ بويه‌ و رينمايى داگه‌سه‌ ده‌سڵاته‌يل ئاسايشى ڕى وشوون گورجيگ له‌وه‌ر بگرن و ئه‌و په‌لامارده‌ره‌يله‌ ده‌سگير بكريه‌ن.