هــــه‌واڵ عــیراق
كووچ قسه‌ى بڕيگ له‌ سياسيه‌يل له‌باره‌ى كووچبه‌ره‌يل خسته‌ دروو

كووچ قسه‌ى بڕيگ له‌ سياسيه‌يل له‌باره‌ى كووچبه‌ره‌يل خسته‌ دروو


شه‌فه‌ق نيوز/ وزاره‌ت كووچ و كووچبه‌ره‌يل عراقى، ئه‌و قسه‌يله‌ خسته‌ دروو ك بڕيگ له‌ سياسيه‌يل وتنه‌سه‌ى له‌باره‌ى داين دارايى تايبه‌ت وه‌ بڕيگ له‌ خيزانه‌يل گله‌وخواردگ ك گوايا بڕ يه‌ك مليۆن و 500 هه‌زار دينار عراقيه‌.

 

له‌ى باوه‌ته‌و، وزاره‌ته‌گه‌ له‌ به‌ياننامه‌يگ ئه‌را شه‌فه‌ق نيوز وت: ئيچنه‌ لێدوانه‌يليگ له‌وه‌خته‌يل دعايه‌ى هه‌ڵوژاردنه‌و ئه‌ياد ك بڕيگ له‌ سياسيه‌يل له‌ى روێه‌و هه‌وڵ ئه‌يه‌ن وازى وه‌ ئه‌قڵ و سووزدارى هاووڵاتيه‌يل بكه‌ن له‌ڕێ له‌غوكردن روڵ وزاره‌ته‌گه‌ له‌ ئه‌نجامداين ئه‌ركه‌يلى وه‌رانوه‌ر وه‌ كووچبه‌ره‌يل و ئه‌و مه‌ردمه‌يله‌ ك گله‌وخواردنه‌.

 

جى باسه‌، وزاره‌ته‌گه‌ هه‌ميش وت: بنه‌ماى زانياريه‌يل و ئاماره‌يل مه‌يدانى ئه‌را تۆماركردن خيزانه‌يل گله‌وخواردگ وه‌رده‌وامه‌ له‌گشت پاريزگايه‌يل.