هــــه‌واڵ كــوردى
چوار حزب كوردستانى لايه‌نگرێ ئه‌نجامداين هه‌ڵوژاردنه‌يل كه‌ركوك ئه‌كه‌ن

چوار حزب كوردستانى لايه‌نگرێ ئه‌نجامداين هه‌ڵوژاردنه‌يل كه‌ركوك ئه‌كه‌ن


شه‌فه‌ق نيوز/ چوار حزب كوردستانى دانيشتنيگ له‌ كه‌ركوك ساز كردن له‌وه‌ر تاوتويكردن مه‌سه‌له‌ێ ئه‌نجامداين هه‌ڵوژاردنه‌يل ناوچه‌يى و دوسيه‌ێ سياسى له‌ عراق.

 

له‌و دانيشتنه‌ هه‌ر يه‌ك له‌ حزبه‌يل يه‌كێتى نيشتمانى كوردستان و بزووتنه‌وه‌ى گۆڕان و يه‌كێتى ئسلامى و كۆمه‌ڵ ئسلامى به‌شدار بوين له‌ناو باڵه‌خانه‌ێ مه‌ڵبه‌ند دويه‌م يه‌كێتى نيشتمانى له‌ كه‌ركوك وه‌بى به‌شدارى پارت ديموكرات كوردستان.

 

له‌ى باوه‌ته‌و، ره‌وه‌ند مه‌لا مه‌حمود جيگر وه‌رپرس مه‌ڵبه‌ند دويه‌م يه‌كێتى نيشتمانى كوردستان له‌ كه‌ركوك ئه‌را رووژنامه‌نويسه‌يل وت: له‌و دانيشتنه‌ باس له‌ بارودوخ ئيسه‌ێ كه‌ركوك و مه‌سه‌له‌ێ ئه‌نجامداين هه‌ڵوژاردنه‌يل و چوينێتى سه‌رخستتنى كرديمنه‌ وه‌ل هانداين ملله‌ته‌گه‌مان ئه‌را به‌شدارى له‌ هه‌ڵوژادنه‌يل تا نوێنه‌ر راسكانى داشتوون له‌ ئه‌نجومه‌ن پاريزگا.