هــــه‌واڵ عــیراق
دوياى هه‌ڵويست سيستانى.. ئئتلاف عه‌بادى هه‌وڵ سه‌رۆكايه‌تى په‌رله‌مان ئه‌ياد

دوياى هه‌ڵويست سيستانى.. ئئتلاف عه‌بادى هه‌وڵ سه‌رۆكايه‌تى په‌رله‌مان ئه‌ياد


شه‌فه‌ق نيوز/ خالد عوبێدى سه‌ركرده‌ى ديار له‌ ئئتلاف نه‌سر، ئاشكراى كانديدكردن خوه‌ى كرد ئه‌را سه‌رۆكايه‌تى په‌رله‌مان ك بڕياره‌ له‌ دانيشتن 15ى ئى مانگه‌ هه‌ڵوژريه‌ێد.

 

نويسينگه‌ى عوبێدى له‌ به‌ياننامه‌يگ، كانديدكرن خوه‌ى ده‌رخست ئه‌را پۆست سه‌رۆكايه‌تى په‌رله‌مان جوور كانديدگ له‌وه‌ر يه‌كلاكردنه‌وه‌ى ناكووكيه‌يل و باس له‌وه‌يش كرد ك ئى كاره‌ له‌ئاكام فشاره‌يل سياسى بويه‌ ك هاته‌ تويشى له‌وه‌ر كانديدكردن خوه‌ى.

 

جى باسه‌، كانديدكردن عوبێدى له‌ ليست نه‌سر وه‌ سه‌رۆكايه‌تى حه‌يده‌ر عه‌بادى، دوياى هه‌ڵويست مه‌رجه‌ع سيستانى هات وه‌ ئه‌وه‌گ لايه‌نگرى سه‌رۆكايه‌تيكردن حكومه‌ت تازه‌ تازه‌ ناكا ئه‌را كه‌سه‌يليگ ك له‌ پۆسته‌يل ده‌سڵات بوينه‌ له‌ پۆست سه‌رۆك و ه‌زيره‌يل، ئه‌ويش له‌ ئاماژه‌يگ ئه‌را ره‌ته‌وكردن ولايه‌ت حه‌يده‌ر عه‌بادى و كانديده‌يل تر ك ناويان ئاشكرا بوى له‌وه‌خت دانيشتنه‌يل دامه‌زرانن حكومه‌ت.