هــــه‌واڵ كــوردى
گۆڕان بڕيار نه‌وڕيان له‌ دانيشتنه‌يل دا و خوازيار وه‌خته‌

گۆڕان بڕيار نه‌وڕيان له‌ دانيشتنه‌يل دا و خوازيار وه‌خته‌


شه‌فه‌ق نيوز/ ئه‌نجومه‌ن نيشتمانى بزووتنه‌وه‌ێ گۆڕان دانيشتنيگ له‌ شار سلێمانى ساز كرد و له‌تى سێ محوه‌ر تاوتوێ كرد.

 

وه‌ گووره‌ێ به‌ياننامه‌گه‌ێ بزووتنه‌وه‌گه‌ ئه‌وه‌ ده‌ركه‌فت ك له‌و دانيشتنه‌ باس له‌ مه‌سه‌له‌ێ راپرسێ و چاره‌سه‌ر قه‌يران په‌رله‌مان و په‌يوه‌ندێ وه‌ل لايه‌نه‌يل تر سياسى كرياگه‌ وه‌تايبه‌ت وه‌ل پارت ديموكرات كوردستان.

 

جى باسه‌، بزووتنه‌وه‌ێ گۆڕان له‌ به‌ياننامه‌گه‌ دوياێ ئه‌و دانيشتنه‌، داواێ دياريكردن وه‌ختيش كرد ئه‌را چاره‌سه‌ر كيشه‌يل له‌ هه‌رێم له‌ڕێ ده‌زگايه‌يل شه‌رعى و جه‌خت له‌وه‌يش كرد له‌ ئاينده‌ نواگير له‌ به‌شداريكردن هه‌ر دانيشتنيگيش نيه‌ ك ئامانج له‌لى چاره‌سه‌ر كيشه‌يل بدێ و تايبه‌ت وه‌ ژيان هاووڵاتيه‌يل.