هــــه‌واڵ عــیراق
خامه‌نه‌يى داواى ده‌ركردن هيزه‌يل ئه‌مريكى له‌ عه‌بدولمه‌هدى ئه‌كا

خامه‌نه‌يى داواى ده‌ركردن هيزه‌يل ئه‌مريكى له‌ عه‌بدولمه‌هدى ئه‌كا


شه‌فه‌ق نيوز/ عه‌لى خامه‌نه‌يى رابه‌ر باڵاى ئيرانى داوا له‌ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل سه‌ركرده‌ى گشتى هيزه‌يل چه‌كدار كرد هيزه‌يل ئه‌مريكى له‌ عراق وه‌ نزيكترين وه‌خت ده‌ربكا.

 

خامه‌نه‌يى له‌ وه‌خت پيشوازيكردنى له‌ عه‌بدولمه‌هدى و  شانده‌ ياوه‌ره‌گه‌ێ ك سه‌ردان ئيران كردنه‌ وت: ئه‌گه‌ر حكومه‌ت و وه‌رپرسه‌يل عراقى سه‌ر وه‌ ئه‌مريكا بوون، ئه‌وه‌ ئه‌مريكا له‌وه‌ رێگرى ناكاو باس له‌وه‌يش كرد حكومه‌ت و په‌رله‌مان عراقى و جه‌م چالاكوانه‌يل ئيسه‌ى سياسى له‌ى وڵاته‌ په‌سه‌ن نيه‌ وه‌لاى ئه‌مريكاوه‌و هه‌ر وه‌و خاتريشه‌ پلان دانه‌ن ئه‌را خستن ئى كۆمه‌ڵه‌ له‌ روێداگ سياسى عراقى.

 

خامه‌نه‌يى هه‌ميش وت: ئامانج ئه‌مريكا له‌ وجوودى له‌ عراق ته‌نيا وجووديگه‌و ئه‌وانه‌ هه‌وڵ به‌رژه‌وه‌نديه‌يل دريژماوه‌و دامه‌زرانن حكومه‌تيگ هاوشيوه‌ى حكومه‌ته‌يل سه‌ربازێ ئه‌يه‌ن ك وجوود داست له‌ ماوه‌ى يه‌كه‌م داگيركارێ عراق و ئاماژه‌ وه‌يه‌يش كرد ك وجوود سه‌ربازێ ئه‌مريكى له‌ وڵاته‌يل ناوچه‌گه‌ زه‌ره‌د وه‌ به‌رژه‌وه‌ندێ وڵاته‌يل و ملله‌ته‌يل ناوچه‌گه‌ ره‌سنێد.