هــــه‌واڵ جیــهانى
ئيران تومه‌تبار سعوديه‌ وه‌ دروسكه‌ر گرژى كرد له‌ ناوچه‌گه‌

ئيران تومه‌تبار سعوديه‌ وه‌ دروسكه‌ر گرژى كرد له‌ ناوچه‌گه‌


شه‌فه‌ق نيوز/ ئيران تومه‌تبار سعوديه‌ وه‌ ئه‌وه‌ كرد ك هه‌وڵ دروسكردن گرژى ئه‌ياد له‌ ناوچه‌گه‌و له‌ هه‌مان وه‌خت لێدوانه‌گه‌ێ مير محه‌مه‌د بن سه‌لمان وه‌لى وه‌لى عه‌هد سعودى وه‌ كاولكه‌ر تاريف كرد له‌باره‌ى دويرخستن گفتگوو وه‌ل ته‌هران.

 

له‌ى باوه‌ته‌و، هووكاره‌يل ره‌سانن فه‌رمى له‌ زووان به‌هرام قاسمى قسه‌كه‌ر وه‌ناو وزاره‌ت خارجيه‌ى ئيرانى ئه‌وه‌ ده‌رخستن ك لێدوانه‌يل مير محه‌مه‌د نيشانه‌ى ئه‌وه‌سه‌ ك سعوديه‌ پشتگيرى ترۆر ئه‌كاو هه‌وڵ سياسه‌ته‌يل كاولكه‌ر ئه‌ياد له‌ ناوچه‌گه‌و له‌ وه‌رانوه‌ر ئيران.

 

جى باسه‌، په‌يوه‌نديه‌يل دبلۆماسى ناونى ته‌هران و رياز له‌ حاڵ حاز بڕياگه‌و سعوديه‌يش له‌ 2016 په‌يوه‌ندى خوه‌ى وه‌ل ئيران بڕى له‌وه‌ختيگ ك خوه‌ينيشانده‌ره‌يل ئيرانى چينه‌ ناو باڵوێزخانه‌ى سعودى له‌ ته‌هران له‌ ئاكام له‌سێداره‌داين پياويگ پايه‌به‌رز ئايينى له‌لايه‌ن ريازه‌و.